55
2
2
港鐵銅鑼灣站 F1 出口, 步行約5分鐘 繼續閱讀
電話號碼
23381669
營業時間
今日營業
12:00 - 21:00
星期一至日
12:00 - 21:00
公眾假期
12:00 - 21:00
公眾假期前夕
12:00 - 21:00
付款方式
AlipayHK 支付寶 現金
其他資料
當面支付
食評 (69)
等級4 2020-07-19
229 瀏覽
疫情持續,近排都減少咗外出用膳,不過有時唔想餐餐煮,所以間中都會選擇買外賣回家,今日就幫襯咗一間主打台灣菜嘅本地小店「囍筷」。餐廳位於禮頓道希雲大廈地下,店內佈置簡約,以外賣為主,不過亦設有兩張高腳櫈,可供客人作堂食之用。 先去櫃位研究一下餐牌,食物以台式便當為主,另外亦有小吃和台式飲品等供應。我哋揀咗兩個飯、一個拌麵同兩款小食,所有飯類便當都會附送紙包裝飲品、三款每日精選配菜及半隻滷蛋。招牌滷肉飯便當 ($56),便當附有白飯、三款是日配菜,包括小棠菜、茄子、滷豆腐及半隻滷蛋,用料非常豐富。滷肉呈條狀,大半都肥瘦相間, 就算是瘦肉都帶點肥膏;肥膏入口即溶,瘦肉有嚼頭,香口而不過鹹。米飯煙韌,粒粒分明,就算吸了滷肉汁也不會糊掉,好吃。至於台式紅燒牛肉飯 ($62)  用料同之前嗰款便當大致相同,不過滷肉就換成紅燒牛肉。牛肉大件厚切,望上去頗堅挺,但原來食落肉質好腍,細緻鬆化,不嚡不韌。飯粒圓潤,帶點硬度,煙韌好吃;而滷蛋亦滷得很入味,入口帶蛋黃香。古早味雞絲蔥油拌麵 ($56),麵條分量頗多,面頭鋪滿雞絲,中間更夾雜著不少大豆芽同芹菜,用料十足。雞絲應該係用咗雞髀肉,食落非常嫩滑,口感極佳。拌麵水準亦不俗,麵條軟硬適中,有點彈牙,撈埋蔥油一齊食,好香好惹味。至於兩款小食就揀咗鹹水雞時蔬 ($48)  同椒鹽蒜香雞翼。鹹水雞用料不賴,雞肉很嫩滑,肉感不足,而且醃得好入味,入口鹹鮮得來更帶點微辣,惹味非常。配料下得很豪爽,味道亦不俗,尤其是黑木耳,質感很爽脆。椒鹽蒜香雞翼 ($28)  雞翼一客有 3 隻,雖然隔咗一段時間先食,但吃起來仍然很香口,雞肉入味,唔乾身,夠 Juicy,蒜味突出。想乖乖地留喺屋企抗疫,但又想食到平靚正嘅台式便當,嚟呢度買外賣絕對係個唔錯嘅選擇! 繼續閱讀
(以上食評乃用戶個人意見 , 並不代表OpenRice之觀點。)
依晚放工去銅鑼灣交收,順便買埋飯上個朋友度開餐。幾個月前某App有做$8飯優惠嘅時候幫襯過「囍筷」一次,印象中都唔錯。呢日就一於買幾個台式便當做晚飯啦😜。小店主要係做外賣,但都有幾個堂食座位。我哋晚上7點幾鐘去到,見到有唔少客人,咁估計日頭應該更高人氣吧!牆身係貼滿Memo紙嘅連儂牆,佢應該係一間撐香港人嘅小店💛。小店坐落於銅鑼灣區,價錢真係唔算貴,大約$60到就買到一個主食連飲品。最緊要係大大份👍。主食大約有十款揀,另外仲有賣小食同台式飲品。靚女店員們(好似有啲係義務性質?)全部都好好人,又非常友善😚,令人舒服。我哋落單後大約等10分鐘就搞掂,外賣食物包裝得好好。L10.台式紅燒牛肉飯便當($62),🍱呢個真係超級好食!首先,紅燒牛肉勁大件、勁厚,仲要有成四件🐮。牛肉肉質唔會太韌,肉味都OK;而配菜有三款,分別係茄子🍆、白菜同滷水豆腐。至於溏心蛋,呢日就變咗做蒸水蛋,用個兜仔裝住好精緻,仲蒸得幾滑添。不過最出色嘅係在於個紅燒汁,勁惹味😋。店員有問我哋要多汁定少汁,因為食法其實有少少似湯飯。但我哋買完行返去都要15分鐘,所以要咗少汁,出到嚟無浸淋啲飯之餘,加上係用咗珍珠米,🍚每粒飯都既入味、又軟熟,好正。L3.鹹水雞時蔬蔥油拌麵($62),本身呢個係配飯嘅,但都可以轉蔥油拌麵🍜。麵同餸係分開的,兩者份量都好多。拌麵應該係油麵底,中間夾咗啲大荳芽菜,口感都幾爽口。🐔鹹水雞味道恰到好處,唔會太鹹,下面仲有好多菜。SP.炸雞腿便當($57),原本想要炸排骨的,但已經售罄,店員推介不如試下炸雞腿🍗。估唔到隻雞髀大到佔咗碗飯嘅一半,好巨型呢。味道都唔錯,飯亦有啲汁,不會太乾,其餘配菜就同紅燒牛肉飯一樣。嗌便當套餐可以以半價追加小食,我哋要咗一份木魚炸豆腐(原價$30),打開後雖然唔多覺有木魚,但炸豆腐就有好多件。口感唔似金磚豆腐嘅炸皮咁脆,反而煙煙韌韌,配埋菜甫食幾美味🤤。佢同飯搭配嘅滷豆腐係唔同味㗎!飲品方面,我哋將其中兩份升級咗做台式飲品,唔加錢嘅話就配紙包飲品。珍珠奶茶(+$11)同冬瓜茶(+$5)都幾好飲,我無特別嗌少甜少冰嗰啲,但出到嚟甜度同冰度都剛剛好,唔會過甜,珍珠又夠Q彈!即使下次行嚟唔買飯,都可以買杯嘢飲🥤。總括嚟講,我哋無諗過小店嘅出品咁好食之餘,仲要咁大份!本身驚唔飽,點知事實上係兩個飯都夠三人食囉🙈。所以好簡單講就係小店無得輸,平、靚、正,要多多幫襯,大大力懲罰佢啊😚。 繼續閱讀
(以上食評乃用戶個人意見 , 並不代表OpenRice之觀點。)
等級3 2020-07-31
11 瀏覽
💛 #黃色經濟圈 我本身幾鍾意食滷肉飯個奈何香港食親都又貴又唔太好食🥺試到我都冇乜信心~但今次銅鑼灣呢間便當店帶到少少驚喜比我❤️食到台灣嘅味道🤤🍴招牌滷肉飯便當($56)店員見我猶豫不定就向我介紹餐廳嘅滷肉飯🤤因為係香港中過唔少伏所以都係懷住半信半疑嘅心態試下🤣食落滷肉嘅肥瘦比例剛好🤤調味各樣都幾似台灣食到嘅味道~雖然未係去到最好食但疫情下食到都好滿足😋每個便當仲會配三款每日精選配菜❤️今次食係茄子、豆腐同蒸蛋😋個人覺得茄子同滷肉好夾食落超香👍🏻🍴鹽酥鴻喜菇($26)當日比較早同男朋友兩個都唔係好肚餓所以叫多左個鹽酥鴻喜菇試😋食落好酥脆仲好香菇菇味😋⚠️留意番餐廳只有3-4個位置~多數做外賣❤️但食物都有一定質素大家都可以多啲去支持💛尤其疫情期間買番屋企食安全啲🙇🏻‍♀️偷偷聽到餐廳好似係由台灣人主理架😚❤️📍 囍筷 (銅鑼灣)銅鑼灣禮頓道128-138號希雲大廈地下2號舖 繼續閱讀
(以上食評乃用戶個人意見 , 並不代表OpenRice之觀點。)
呢排會出多左外賣post因為見到疫情之下好多小店都經營得好辛苦。希望可以幫到佢哋渡過今次難關。呢間位於銅鑼灣希雲街嘅囍筷係專係賣台式外賣便當🍱,希望可以比喺銅鑼灣工作同埋居住嘅朋友多個選擇💛🍱鹹水雞時蔬滷肉飯($62)- 鹹水雞嘅調味都相當唔錯,時蔬既款式都幾多嘅都幾新鮮,滷肉飯就好入味整體成個飯都好夠飽都幾好味😋🍱古早味雞絲滷肉飯便當($58)- 古早味雞絲同鹹水雞嘅味道有少少分別嘅,咁就相對冇咁重口味啦咁都唔錯嘅。咁整體來講都係好夠飽性價比都幾高 💛🐓鹽酥雞 ($15)- 跟餐加$15一份鹽酥雞咁份量都幾多,味道好入味都算係香脆嘅雖然外賣係會有少少🤏冧左 🥤囍之綠妍 - 佢本身唔算太甜茶味都幾夠都幾清新🥤台式冬瓜茶 - 同出面嘅冬瓜茶都大同小異都幾好飲囍筷 (銅鑼灣)銅鑼灣禮頓道128-138號希雲大廈地下2號舖 繼續閱讀
(以上食評乃用戶個人意見 , 並不代表OpenRice之觀點。)
等級3 2020-07-29
40 瀏覽
嗰日啱啱放工喺銅鑼灣經過見到呢間主打古早味便當嘅囍筷,依家夜晚不設堂食,咁就諗住買便當返屋企食啦 ~我就嗌左兩個便當再加啲配菜便當套餐均附飲品,每日精選配菜三款,正常來講就會有糖心蛋,但係我買便當嘅時候好似就咁啱唔夠糖心蛋,俾咗燉蛋我,個燉蛋好滑,就算我後尾翻叮之後都唔會老!至於當日精選配菜就有白菜仔加木耳紅蘿蔔等。L4 古早味雞絲滷肉飯便當 $58 (5/5)佢哋將豬肉切成一條條再煮成滷肉,大部份嘅肉都係半肥瘦,肥膏入口即溶,有油脂香味。佢哋嘅雞絲應該係人手手絲嘅,每條雞肉都好大條,唔使驚佢真係得啲雞絲仔,佢哋便當出手好重,包保啖啖都有餸L10 台式紅燒牛肉飯便當 $62 (4.5/5)呢一個便當入面嘅紅燒牛肉簡直冇得頂,足足俾咗三大嚿牛肉,出手絕對唔孤寒,又大件又厚,食落去好腍,一啲都唔韌唔鞋,仲好Juicy另外我都推介你哋試佢哋嘅冬瓜茶,清清甜甜,好消暑。同埋佢哋嘅小食都好好味!特別係台灣腸同埋焢肉 繼續閱讀
(以上食評乃用戶個人意見 , 並不代表OpenRice之觀點。)