影片
更多
2024-03-30
279 瀏覽
星期六晚上打算試新餐廳，支持下本地餐廳啦。要自己掃曲落單，仲要先付款先至會確實。我地兩人好簡單只係叫左三樣野：咖哩雞+印度餅，以及咖哩雞麵，就係咁多。侍應在十分鐘後先放下印度餅及肉骨茶。我們立即示意無嗌肉骨茶，侍應就拎走，留下個餅。但因為咖哩雞未到，我們諗住等埋先食。之後半小時都無再上過野。去追單，侍應拎左個麵出來，但朋友的咖哩雞仲係未到，所以我都等埋佢出來先。等的期間，侍應又拎多個麵來（而入面有丸類既）。我話我叫左咖哩雞麵，邊碗先係? 而朋友個咖哩雞仲未有喎得個餅咋。侍應「唔好意思，個麵重覆左」但仲來拎走埋個餅。我連忙說個餅無錯，係仲未有咖哩雞。之後再追個咖哩雞，個餅亦凍晒，經理主動話再整過比我地，又再等下，終於有了雞，又等到個re-heat既餅。諗住齊送，正想開始食，先發現我眼前碗麵，無咖哩又無雞，係另一碗有蝦同豬肉既麵來，但我一直關心朋友的菜、所以佢又出錯左比我都無留意到（而我等埋朋友所以未開始食，亦都無撩開來睇）。去到呢度我已經嬲到無心機食，拎返碗麵出去樓面問，「我叫左咖哩雞麵，呢個無咖哩又無雞，係唔係架?」因為我第一次幫襯唔知佢呢度咖哩雞係咪呢個樣。樓面先至話搞錯左，再出過比
侍應在十分鐘後先放下印度餅及肉骨茶。我們立即示意無嗌肉骨茶，侍應就拎走，留下個餅。但因為咖哩雞未到，我們諗住等埋先食。
之後半小時都無再上過野。去追單，侍應拎左個麵出來，但朋友的咖哩雞仲係未到，所以我都等埋佢出來先。等的期間，侍應又拎多個麵來（而入面有丸類既）。我話我叫左咖哩雞麵，邊碗先係? 而朋友個咖哩雞仲未有喎得個餅咋。侍應「唔好意思，個麵重覆左」但仲來拎走埋個餅。我連忙說個餅無錯，係仲未有咖哩雞。
之後再追個咖哩雞，個餅亦凍晒，經理主動話再整過比我地，又再等下，終於有了雞，又等到個re-heat既餅。諗住齊送，正想開始食，先發現我眼前碗麵，無咖哩又無雞，係另一碗有蝦同豬肉既麵來，但我一直關心朋友的菜、所以佢又出錯左比我都無留意到（而我等埋朋友所以未開始食，亦都無撩開來睇）。去到呢度我已經嬲到無心機食，拎返碗麵出去樓面問，「我叫左咖哩雞麵，呢個無咖哩又無雞，係唔係架?」因為我第一次幫襯唔知佢呢度咖哩雞係咪呢個樣。樓面先至話搞錯左，再出過比我，如是者我等左七個字先至三樣野（其實只係兩樣半）齊晒。
我嬲既係，個餐廳已經係叫人掃code落單，我自己落既單我無落錯，佢又慳左人手；當時成八點20分，算夜夜地，佢地亦只係2/3滿唔係太多人，唔算太過忙，仲要我落單後就立即比埋錢、先至會確實出餐，點解我地嗌咁簡單兩樣半野，可以樣樣都錯，錯足六次？
第一次送錯肉骨茶，但又出個餅比我，但又無咖哩所以都係食唔到；第二次出個麵係錯，第三次出個麵重覆時我有問佢我眼前個咖哩雞係唔係啱架? 佢既侍應無睇到，只係收走重覆既麵，而個重覆既麵亦都係錯既（咖哩雞麵係無丸，所以個碗都唔係咖哩雞麵來），仲想收走埋個無問題既餅。佢地食物味道無問題（除左雞比較鞋，但一大煲雞炆得耐係咁），經理態度亦係抱歉的，但成個送餐流程混亂到爆炸，Ｄ員工好似發緊夢，明明我眼前的食物唔係咖哩雞麵，佢自己手上個碗又唔係，完全唔理，總之唔關佢事行開就算。佢味道無問題幾OK，但係食一個鐘的飯等足七個字D野先正確來齊，真係人都癲，食完完全無心機。唔知佢新開張所以亂定係點，但員工出餐真係好有問題。
張貼