敏華冰廳 (德福廣場1期)

營業中

休息中

Lunch同同事出去食飯，茶記都係必然之選，都知道依間冰室要等好耐，但一陣無機會試，今日終於的起心肝，同同事一齊去等位。結果等左半個鐘頭終於有位了。我地四個人各人都係叫左常餐，咁我就叫左叉燒湯通粉配腸仔炒蛋多炒蛋好滑，叉燒湯通粉都唔錯。另外，我地亦都加左兩個包，夾埋就13蚊，四個人share叉燒包併菠蘿包D包係自家製，菠蘿包外脆，包好鬆軟，真係不得之了。常餐一個五十蚊，價錢就中上，但質素ok，而且包真係好味，值得再來。