影片
更多
2021-04-14
25 瀏覽
識我嘅朋友都知我係莞茜控☺️食親啲重口味野最好就越多莞茜越好🤣今次就特登去左呢間位於銅鑼灣嘅鬼金棒到試佢個莞茜辣麻味增拉麵（$110）。我係周末嘅中午時間去到，餐廳外已經有一條小隊，等左大概十五分鐘左右就有得入。店舖主打四川風嘅麻辣拉麵，可以根據自己嘅口味選擇辣度同麻度，由於我係第一次食，今次就揀左小辣同中麻試下水溫先🤣碗拉麵一眼望落去係綠色嘅，鋪落左青蔥同莞茜，份量非常慷慨！除此以外仲有兩舊叉燒同芽菜等配料。食拉麵我通常會試下個湯底先，佢個湯底飲落其實有少少似四川嘅麻辣擔擔麵，口感相對稠密。我個人唔算話好食得辣，但呢度嘅小辣對我黎講真係完全唔辣😂反以中麻個麻度係剛好，如果有機會再食可以挑戰中辣中麻；雖然碗麵加滿左莞茜，但食落莞茜味都唔算重，如果可以再重啲會更好。麵條方面屬於較為粗身嘅拉麵，掛湯度都高。整體黎講碗拉麵其實唔算比到我好大驚喜，值得一提嘅反而係佢舊叉燒，食落個口感有少少似東坡肉，而且相當入味，係成碗麵嘅點晴之筆😋
店舖主打四川風嘅麻辣拉麵，可以根據自己嘅口味選擇辣度同麻度，由於我係第一次食，今次就揀左小辣同中麻試下水溫先🤣碗拉麵一眼望落去係綠色嘅，鋪落左青蔥同莞茜，份量非常慷慨！除此以外仲有兩舊叉燒同芽菜等配料。
食拉麵我通常會試下個湯底先，佢個湯底飲落其實有少少似四川嘅麻辣擔擔麵，口感相對稠密。我個人唔算話好食得辣，但呢度嘅小辣對我黎講真係完全唔辣😂反以中麻個麻度係剛好，如果有機會再食可以挑戰中辣中麻；雖然碗麵加滿左莞茜，但食落莞茜味都唔算重，如果可以再重啲會更好。麵條方面屬於較為粗身嘅拉麵，掛湯度都高。整體黎講碗拉麵其實唔算比到我好大驚喜，值得一提嘅反而係佢舊叉燒，食落個口感有少少似東坡肉，而且相當入味，係成碗麵嘅點晴之筆😋
張貼
