鮨芸館 (已結業)

已經第二次食啦！最開心每次店員都會比你選杯，好有特色，飲住由自己所挑選的茶杯，飲得都好味啲😄店裡還會有小卡同顏色筆比你設計或填色，真係有得食有得玩，和小朋友黎就岩晒，小朋友可以填顏色，大朋友就可以傾計啦😆當你完成個作品可以交給店員，咁你的卡就有機會「貼堂」！！（我搵唔番上次嗰張）想話鰻魚蛋捲係必食！！！！超好味😋😋然後叫了松葉蟹肉沙律，蟹味不算重，沙律份量適中，味道尚算不錯。還有壽司和清酒煮蜆，覺得今次壽司不算太新鮮，係鯖魚壽司好味，有再order，壽司飯係中上質素的size，所以比你叫多啲，同樣埋單都多啲🙈反而清酒煮蜆比到驚喜喎，蜆係每隻都有肉，同埋比平時食開係大隻肉，酒味濃烈，不錯不錯！今次食飯比較趕，試左不多新菜式，下次會再去。