影片
更多
2019-12-01
20 瀏覽
夜晚有啲野做黎到荔枝角，好少過黎呢邊，行到宇晴軒商場搵野食慰勞下自己一日既辛勞，見到呢間好有日本feel既餐廳，一於試試。套餐設計幾特別﹕張野食分做松梅竹菊四大類 (明明食日本野，但用左松梅竹菊變得好中國，哈哈)。松係拉麵類，梅、竹、菊係小食類，按個人需要可選松+梅 / 松+梅+竹 / 松+梅+竹+菊。 最後點左櫻花蝦拉麵+炸豆腐+燒牛舌+南瓜炸薯餅1.櫻花蝦拉麵見menu上有手指公，應該係推介。拉麵可自選湯底 (味噌/醬油/鹽) 同麵質 (硬/一般/軟)。櫻花蝦份量好多好香，基本上揀咩湯底都一樣，會變左櫻花蝦味。麵條夠爽夠彈牙，配料都唔錯，整體都唔錯，但比起拉麵專門店就略欠一些令人印象深刻既特色。2.炸豆腐好驚喜，食得出係即叫即炸，上枱仲係熱辣辣。炸皮非常薄，入面豆腐依然好嫩好滑，仲舖滿木魚碎，食過番尋味。3.燒牛舌份量都唔少，厚薄適中，有牛味之餘又唔’un’，如果厚多啲啲會更加有口感。4.南瓜炸薯餅幾款小食最好食呢個，都係即叫即炸，唔會好油，餡料夠多唔會只食到炸皮，南瓜又香又軟，仲有伴碟沙律。無論單點定套餐都推介點呢個。總結﹕套餐中”菊”既小食最吸引，建議點”松+梅+竹+菊” 套餐
套餐設計幾特別﹕張野食分做松梅竹菊四大類 (明明食日本野，但用左松梅竹菊變得好中國，哈哈)。松係拉麵類，梅、竹、菊係小食類，按個人需要可選松+梅 / 松+梅+竹 / 松+梅+竹+菊。
最後點左櫻花蝦拉麵+炸豆腐+燒牛舌+南瓜炸薯餅
1.櫻花蝦拉麵
見menu上有手指公，應該係推介。拉麵可自選湯底 (味噌/醬油/鹽) 同麵質 (硬/一般/軟)。櫻花蝦份量好多好香，基本上揀咩湯底都一樣，會變左櫻花蝦味。麵條夠爽夠彈牙，配料都唔錯，整體都唔錯，但比起拉麵專門店就略欠一些令人印象深刻既特色。
2.炸豆腐
好驚喜，食得出係即叫即炸，上枱仲係熱辣辣。炸皮非常薄，入面豆腐依然好嫩好滑，仲舖滿木魚碎，食過番尋味。
3.燒牛舌
份量都唔少，厚薄適中，有牛味之餘又唔’un’，如果厚多啲啲會更加有口感。
4.南瓜炸薯餅
幾款小食最好食呢個，都係即叫即炸，唔會好油，餡料夠多唔會只食到炸皮，南瓜又香又軟，仲有伴碟沙律。無論單點定套餐都推介點呢個。
總結﹕套餐中”菊”既小食最吸引，建議點”松+梅+竹+菊” 套餐，兩個女仔其實都夠食，加埋一都係大約$200 埋單，而且坐得舒服無時間限制，啱晒同朋友邊食邊傾。
張貼
