黑布小巷

營業中

休息中

已經係第二次先到嚟po🤫唔好見佢一個三文治要60幾蚊，其實好足料又好食🥰食完之後即刻飽曬。麻辣鬼椒雞腿芝士蛋吐司$55尤其係呢個雞腿吐司，雞腿超大舊，啲肉質好嫩滑，食完好有滿足感😚隻蛋係流心蛋，一咬落去會流蛋漿，仲有啲雞肉汁，好彩呢個包裝設計得好，如果唔係實整污糟晒隻手。雞腿吐司唔會太重味，加埋個麻辣鬼椒就啱曬，比想像中辣，不過食得好滋味😋😋台式肉蛋芝士吐司$53就咁睇個三文治嗰時，見佢啲肉咁薄仲以為好乾，點知食落完全唔係想像中咁，同雞腿吐司一樣咁好食，而且同啲醬汁雞蛋更加夾，芝士味更加出，比起雞腿更加有食吐司嘅感覺，兩款其實都各有好處，同朋友一齊share就最啱😝古早味冬瓜茶套餐+$5飲落去唔算太甜，幾清爽，配埋個吐司可以解膩，咁就多多都食得落啦～係簡簡單單嗰種好飲😙都建議大家可以叫埋。