影片
更多
2023-10-12
106 瀏覽
因為就近返工，近排成日見到佢大廈外面個廣告。就得知咗原來有間新開嘅燒肉。有日咁啱想食燒肉，收工夜晚就上左去食。講結論先：環境好好，但燒肉同服務都極差。首先上到去，其實第一感覺係非常好。日式木質裝修，燈光明亮，乾淨又寬敞。每個座位之間至少隔到50 cm，可能係香港咁多間燒肉裏面最闊落。咁就坐低電子落單，而且係好似燒肉like咁要電子支付俾咗錢先算係落咗單，但成個場都收唔到訊號，唯有點菜點到一半取消，去連佢個Wi-Fi。咁搞左一大輪，就終於落完單。落完單無耐就有個侍應過黎問要咩嘢飲，原來佢個電子支付系統係冇得揀，所以都係要人手做返……其實唔算係咩扣分點，畢竟新開張，都可以理解做系統未完善……我就咁樣說服自己，開始等野食。大概15分鐘之後，我個餐終於上檯。當日係平日夜晚，店裏面都仲有好多空位剩，亦都仲有侍應好得閒，明顯就唔係繁忙啦。當時就心諗，其實呢啲唔使煮嘅嘢，有冇必要15分鐘先出到餐呢？不過都算啦，趕住醫肚，事不宜遲即刻開始燒。因為本身都大食，我order咗一個牛板腱套餐，另外加多一碟牛舌。$130左右。上到枱見到肉既份量唔算多，但唔緊要，唔夠飽再追加。佢呢度有三款醬同埋胡椒鹽。分別係辣
就得知咗原來有間新開嘅燒肉。
有日咁啱想食燒肉，收工夜晚就上左去食。
講結論先：環境好好，但燒肉同服務都極差。
首先上到去，其實第一感覺係非常好。
日式木質裝修，燈光明亮，乾淨又寬敞。
每個座位之間至少隔到50 cm，可能係香港咁多間燒肉裏面最闊落。
咁就坐低電子落單，而且係好似燒肉like咁要電子支付俾咗錢先算係落咗單，但成個場都收唔到訊號，唯有點菜點到一半取消，去連佢個Wi-Fi。
咁搞左一大輪，就終於落完單。
落完單無耐就有個侍應過黎問要咩嘢飲，原來佢個電子支付系統係冇得揀，所以都係要人手做返……
其實唔算係咩扣分點，畢竟新開張，都可以理解做系統未完善……我就咁樣說服自己，開始等野食。
大概15分鐘之後，我個餐終於上檯。
當日係平日夜晚，店裏面都仲有好多空位剩，亦都仲有侍應好得閒，明顯就唔係繁忙啦。
當時就心諗，其實呢啲唔使煮嘅嘢，有冇必要15分鐘先出到餐呢？
不過都算啦，趕住醫肚，事不宜遲即刻開始燒。
因為本身都大食，我order咗一個牛板腱套餐，另外加多一碟牛舌。$130左右。
上到枱見到肉既份量唔算多，但唔緊要，唔夠飽再追加。
佢呢度有三款醬同埋胡椒鹽。
分別係辣麵豉，酸味豉油同埋燒烤醬。
我試晒，佢三款醬全部都好似溝咗水咁，三款都唔夠味，我甚至係成舊肉浸落啲醬料度，浸返分零鐘先食，但都冇乜味道。
大佬呀，呢啲自助燒肉就係靠個醬先有味。
你啲肉又唔醃，你啲醬又冇味道，
點搞？草原風？
我食到好似係草原上面追往隻牛咬咁既味呀！
而且佢啲醬可能太稀太有流動性，我又浸晒啲肉落去，結果食嘅時候沿着筷子流咗去隻手度，成隻右手黐立立。拉開佢個餐具紙巾櫃佢又冇濕巾。
我就唯有黐立立咁食晒下半餐。
為咗令到個肉有啲味，我直接將醬料同胡椒鹽加入未燒嘅肉上面，但因為佢嘅醬料本來就冇味，根本就冇好到幾多。
我一邊食，一邊成個嘴都係冇調過味嘅純牛肉味，老實講都幾辛苦。
不斷嘗試點樣先好食，試吓試吓，都仲未搵到個好嘅方法，盤入邊就已經冇晒肉。
由於佢連肉嘅份量都唔係多，我甚至食唔到半飽。
雖然我講過話唔飽可以追加，但佢咁嘅級數，你加埋我嗰份啦。
因為事先俾咗錢，所以我就即刻轉身走，過隔離大廈麥當勞補返個魚柳包先終於食飽。
呢間嘢真係冇下次。
自助燒肉，其實有個醬就得。
咁都可以整得難食，點搞？
仲要食唔飽，唯一嘅優點就真係得個裝修。
要好食有裝修，要服務有裝修，要裝修有裝修。
搞到我開始覺得：
俾佢個裝修呃咗入去食嘅自己好膚淺。
難食到要開始思考人生，唉。
張貼
