宜家家居餐廳及咖啡室

營業中

休息中

嚟ikea買野，又點可以唔食埋ikea餐廳呢？今次去荃灣ikea買野就順便食呢邊分店嘅餐廳。今次點咗5款野食：凍蝦盤、瑞典肉丸、藍莓紅莓芝士餅、慢煮羊膝、釀雞翼。凍蝦盤D蝦雖然比較細隻，但係性價比非常之高，因為價錢非常平👍。味道都唔差，唔會淡到無味，點都有蝦味同海鮮嘅咸味。肉質唔算好緊緻彈牙，但起碼唔會食落霉口。都值得大家一試瑞典肉丸（10粒配薯蓉）肉丸係ikea嘅成名作，食落口雖無一鳴驚人嘅味道同口感，但會令你想食完一粒又一粒嘅吸引力，比下有餘啦。藍莓紅莓芝士餅餅底牛油香味比較小，可能成本關係落小咗牛油。芝士餅層食落口會粉開散開，所以無好綿嘅口感（我唔識整甜品，歡迎有整開甜品嘅人講我知點解會整到粉開散開😂）。唔太建議大家試啦。慢煮羊膝（配薯蓉及燒汁）個燒汁同個羊膝味道唔太夾，好似會更加突顯羊肉嘅羊羶味。羊肉嘅部份比較多，唔會好肉出面袋羊腩煲咁脂肪多過肉。其實都幾抵食，因為係出面食應該要百幾蚊先有交易。大部份薯蓉索晒d燒汁味，食落口陣味好怪😵釀雞翼隻雞翼味道就正正常常燒蜜汁雞翼味😂😂不過要講下佢非常飽滿，所以非常大隻。抵唔抵食就見人見知啦，但呢隻雞翼我會鍾意食😂😂。