Sky House (已結業)

行過聞說新開個多星期，即本試試。冇乜人，可能時間尚早，而且太新冇人識。樓底好高，坐落也舒服。叫了個二人餐，先嚟個南瓜忌廉湯，夠滑又有奶香味，相當不俗，對之後的食物自然有些期望。再來凱撤沙律，菜一般，但煙三文魚和煙肉粒好正，沙律醬的味道也很好，一讚！冬蔭功大蝦海鮮墨汁意粉，意粉不太淋又不太硬，剛剛好。蝦肉煎過，有一點焦香味，其他海鮮也有水準。起初覺得冬蔭功配意粉有些新奇，但食落確實不錯，有創意。黑豬扒煎得剛好，配搭的蘋果醬不太甜、很清新；配另一個蘑菇醬好有蘑菇香味，俾我食晒。檸檬茶有淡淡茶味，也是剛剛好。整体而言，個廚好得，食物比我預期中好，完全對得起他的價錢。這餐廳選擇不少，大眾化五六十元的晚餐也有，豐儉由人。荃灣區食物有水準的西餐廳不多（之前執了一間好好味但食唔飽的法國小廚），希望這間能有好發展。