影片
更多
2021-10-01
97 瀏覽
因為朋友係荃灣收工 為左可以早啲開餐 所以我就入荃灣等佢荃灣選擇太多 揀唔到食咩好 所以就將呢個決定權交左比openrice見到呢間好評咁多 有$10一隻生蠔 裝修又好似幾特別 可以打下卡咁 所以就決定左食呢間見到地址寫係荃新天地 但搵極都搵唔到...原來係地鋪 係馬莎對面個轉角位餐廳門口左邊有兩張枱係個大鳥籠入面 職員話其中一張枱就快埋單 所以我地就選擇左等個張枱點都無諗過就係我地惡煞既開始.....坐底我都就諗住叫左一打生蠔先點知.....職員話已經賣哂....勁傷心😢但檯面仲放住個$10一隻生蠔既優惠🤷🏻♀️之後我地叫左兩個set dinnet個餐湯.......似係用粉溝水開既湯 唔係用新鮮材料加cream打 仲要淡淡地 試飲一啖就夠....前菜我哋分別揀咗🥟黑松露意大利雲吞 呢個係成間餐廳唯一好食既野係幾香黑松露味既不過淨係嗰碟大 碟上得一隻雲吞 有啲唔夠喉🍖巴馬火腿芝士脆片、蜜瓜Er....好想問個碟中間既位要黎做咩？個擺盤好唔得體另外切蜜瓜的廚師刀功精奇 可以切到透光的薄👍🏻我地仲叫碟水牛雞翼上枱個刻....點解同我地認知既水牛雞翼完全兩回事？！服務方面有個派緊餐既職員
荃灣選擇太多 揀唔到食咩好 所以就將呢個決定權交左比openrice
見到呢間好評咁多 有$10一隻生蠔 裝修又好似幾特別 可以打下卡咁 所以就決定左食呢間
見到地址寫係荃新天地 但搵極都搵唔到...
原來係地鋪 係馬莎對面個轉角位
餐廳門口左邊有兩張枱係個大鳥籠入面
職員話其中一張枱就快埋單 所以我地就選擇左等個張枱
點都無諗過就係我地惡煞既開始.....
坐底我都就諗住叫左一打生蠔先
點知.....職員話已經賣哂....勁傷心😢
但檯面仲放住個$10一隻生蠔既優惠🤷🏻♀️
之後我地叫左兩個set dinnet
個餐湯.......似係用粉溝水開既湯 唔係用新鮮材料加cream打 仲要淡淡地 試飲一啖就夠....
前菜我哋分別揀咗
🥟黑松露意大利雲吞
呢個係成間餐廳唯一好食既野
係幾香黑松露味既
不過淨係嗰碟大 碟上得一隻雲吞 有啲唔夠喉
🍖巴馬火腿芝士脆片、蜜瓜
Er....好想問個碟中間既位要黎做咩？
個擺盤好唔得體
另外切蜜瓜的廚師刀功精奇 可以切到透光的薄👍🏻
我地仲叫碟水牛雞翼
上枱個刻....點解同我地認知既水牛雞翼完全兩回事？！
服務方面
有個派緊餐既職員 一隻手拎住一盆準備上台既食物 另一隻手係隔離枱收左隻客人食完既碟
之後將隔枱客人食完既碟放左係我地枱面🤮
見到呢一幕我地都呆哂....
肺炎期間 大家連搭檯都唔想既情況下 點樣可以接受到個職員將一隻人地食完既碟放係你枱面？
過左陣 職員上飲品既時候 最精彩的一幕要上映了
職員首先將餐盤上既飲野倒瀉 （倒既方向對正我朋友）
然後再用餐盤撞跌檯面壺水 啲水仲要倒左入我地檯面既野食
張檯即刻變瀑布 四面八方都滴緊水
職員即刻有講唔好意思既 但佢之後只係拎左五六張紙巾比我地🙄
係我地要求下先再拎多幾張比我地 好似施捨緊比我地咁
佢比既紙巾根本完全唔足夠吸哂佢倒瀉既水！！
另外 職員亦有用地拖拖地 但感覺只係做樣
拖完成個地下都仲有勁濕 仲要幾範圍擴大左
要我地要求下先肯再拖多兩下 當然拖完都仲係勁濕🤷🏻♀️
更嬲既係 其他職員見到就全部袖手旁觀 當咩都睇唔到咁🤬🤬🤬
被倒完水 我地根本咩心情都已經無哂 再食埋個主菜...
呢間餐廳真係不可一 不可再
🍝鮮海膽明太子蟹肉扁意粉
我地剩係食到洋蔥味🤷🏻♀️
🥩慢煮紐西蘭牛柳伴香煎「石本」洒鵝肝
鵝肝係煎得幾香既
但塊牛柳....我以為自己食緊香口膠
二百幾蚊買左一舊大香口膠🤪
伴碟係不明白的比白烚更難食....
紫薯蓉鞋口 食左會「確」喉
仲有 我地發現呢間餐廳既職員會鐘意收碟
佢地會專登行到勁近見你食完未 係真係行到讓你覺得唔舒服既勁近！！
而且我地已經要求唔好收碟住
因為檯面其實仲有好多水 好濕 佢地一拎起啲碟 個碟就會滴水 滴落我地另一碟野食到🤬🤬🤬🤬🤬
然後啲水無左個碟做阻擋 又會開始係檯邊滴到我地
你地職員倒瀉水個陣又唔見咁熱心
收碟又咁勤力？
一個收完 我地stop佢 另一個職員又想過黎收
唔通呢到既人工計法係睇你收左幾多隻碟？🤷🏻♀️
最後 我地由坐底到埋單都唔夠一個鐘...
食過最嬲 experience 最差既一餐飯 當每人跌左三百蚊🤦🏻♀️
巴馬火腿芝士脆片、蜜瓜
3 瀏覽
0 讚好
0 留言
黑松露意大利雲吞
4 瀏覽
0 讚好
0 留言
慢煮紐西蘭牛柳伴香煎「石本」洒鵝肝
1 瀏覽
0 讚好
0 留言
張貼
