貓之茶房 (已搬遷) 新店位置

貓之茶房喺貓cafe之中都算有名，去過尖沙咀分店，今次去開荃灣，順道去同貓貓玩下，點知經歷不算愉快。首先閒日4點幾去到已經多人到要等位，咁呢個都唔係咩問題嘅，始終地點人流較旺。不過裝潢實在有點老舊，打掃亦未做到最好。地板有不少塵埃同小紙屑，驟眼睇雖然未必會發現但細心看看就會看到，不算影響整體觀感。另外，地板較殘舊，又有不少刮痕，令人感覺一般，覺得有歲月的痕跡。貓貓雖然冇異味，但就不太乾淨，令人唔想摸。幾隻毛色深黑的貓身上都有白色小塵粒，而牠們手腳有痴住些少塵絲。一隻黑貓身上就好多白色顆粒，相當明顯。另一隻棕黑色貓頭上更有不少白色塵埃，有礙觀瞻，亦大大減少我和貓互動的意欲，相當可惜。同尖沙咀店相比實在差天共地，尖沙咀店鋪空間較大較舒適，枱與枱相隔更開，荃灣店則比較擠擁。尖沙咀店場內採光十足，光線充足，而且裝修以白色為主，用較新淨的淺色地板，令人感覺乾淨舒適。另外不知是否位置問題，當日閒日到訪尖沙咀店，人流不多，今次同樣閒日到訪荃灣店，但就多人到要排隊，場內人流都相當多，空間較迫。