素食媽咪 (已結業)

食素既人就知道，要搵一間好食既素食餐廳係有幾難！好多素食餐廳食材用得太多gluten，亦都落得太多油，次次食完都好滯，所以好難得搵到呢間素食媽咪，係用心製作既少少fusion既素菜餐廳。餐廳位於工業大廈入面，有少少難搵，但入到去就好似去咗另一境界，因為餐廳裝修得幾有禪意。餐牌選擇幾多元化，有西式既沙律，有素叉燒、素雞既飯。我地嗌咗個seasonal menu既素叉燒夾包，因為出去d餐廳食飯一定係夾肥豬腩肉，所以喺度食到真係好滾動呀！叉燒煎得好脆，個包蒸熱咗，非常好食。總括嚟講，呢間餐廳單品價格屬於中高㗎，但你會知道個價錢係去咗好既食材同用心製作上面。會keep住幫襯！：）