麻辣風雲 (荃碧大廈) (已結業)

難得同朋友去荃灣行街 行行下發現到間食川菜嘅餐廳🤩🤩我同我朋友身為勁鍾意食辣嘅人 即刻衝咗入去試🥳真係一試難忘😋我哋總共嗌咗四道小菜😙第一道係泡椒鳳爪! 一望就見到每隻鳳爪都雪雪白白 咬落去好清脆 陣陣嘅辣椒味又湧現 吸引到忍唔住一啖接一啖咁食❤️‍🔥第二道係涼拌燒椒皮蛋😚完全冇令我哋失望! 唔單止望到皮蛋有雪花❄️皮蛋味再加上甜淑同酸辣醬料 簡直係絕配! 就咁食同配飯配麵都一流 !!第三道係水煮牛肩肉🥳一嚟見到大大碗 又好似超辣 心諗應該要打包返屋企 點知! 好意外好食到我哋又清曬! 牛肩肉唔單止吸咗水煮湯辣味 又真係有牛味! 啱晒我哋呢啲牛魔王! 超推薦大家去試🤩🤩🤩最後一道我哋嗌咗涼拌雞絲粉皮😋食完咁多辣嘢 即刻食返個涼浸浸嘅雞絲粉皮 一定唔少得🤩雞絲好滑 粉皮又夠曬咬口 性價比好高！好快就比我哋清碟😌