519
8
4
餐廳: 大滾友火鍋 (紅棉大廈)
優惠: 國泰會員憑「國泰 - 亞洲萬里通」應用程式內會員二維碼,賺高達HKD4 = 2里。受有關條款約束。
條款及細則:
  • 國泰會員於指定夥伴餐廳用膳,付款時須出示「國泰 - 亞洲萬里通」應用程式內的會員二維碼,方可賺取「亞洲萬里通」里數。
  • 國泰會員每次可賺取「亞洲萬里通」里數之消費額上限為港幣10,000元。
  • 會員於國泰夥伴餐廳作合資格消費,每港幣4元可賺取1里數。而渣打國泰Mastercard®客戶憑卡消費可享每港幣4元賺取2里數,包括合作夥伴餐廳合資格消費之餐膳里賞(每港幣4元賺取1里數)及基本餐飲類別之合資格簽賬獎賞(每港幣4元賺取1里數)。
  • 賺取之「亞洲萬里通」里數將根據餐飲與膳食消費,包括服務費、稅項及小費的總和而計算。
  • 惠顧特定推廣套餐或不可賺取「亞洲萬里通」里數。請預先向個別「賺里餐廳」查詢。
  • 賺取的「亞洲萬里通」里數將於認可餐膳消費交易後10個工作天內存入會員的賬戶。
須受其他國泰條款及細則約束。
等級4
393
0
荃灣大滾友火鍋, 聽都聽過朋友講好多次, 今晚決定同老公去食返餐, 當補祝生日飯! 呢間位於紅綿大廈地下, 佢嘅裝修好華麗, 充滿古色古香, 好用心嘅佈置, 座位都比較闊落, 一坐低店員就會放低醬料九宮格 包括辣椒、蔥、生蒜、芝麻、炸蒜、芫荽、醃青瓜和乾蔥油, 每位醬介$25。湯底有鎮店7款, 有時令湯底6款, 仲有秋冬推介2款; 我地揀咗玲瓏浮凸-花膠雞湯鍋。玲瓏浮凸-花膠雞湯鍋 - $318/半隻半隻雞, 加兩大大片花膠打邊爐湯底都真係幾豪; 湯底金黃色好吸引, 店員幫我地剪好哂啲花膠放哂係湯煲湯內先, 等佢滾一陣, 店員叫我地飲碗湯先, 飲落超濃, 覺得自己飲緊雞精落肚, 飲完湯可以開始慢慢打邊爐, 之後就可以落埋啲雞, 因雞係半生熟, 加熱幾分鐘就食得, 肉質鮮嫰。牛肉拼盤 (細) - $418打邊爐一定要叫牛, 但有時心大心, 唔知叫咩牛肉食好, 呢個拼盤包含牛既唔同部位, 重牛味之餘仲要冇咩肥膏; 上枱係一整盤仙氣牛肉盤咁, 每樣牛都精緻無比, 色澤均勻, 顏色好靚, 雪花分布平均; 包括有牛味香濃頂級牛小排, 美國頂級雪花肥牛, 溢出牛脂香嘅骰子牛肉粒, 有咬口牛𦟌,
更多
荃灣大滾友火鍋, 聽都聽過朋友講好多次, 今晚決定同老公去食返餐, 當補祝生日飯! 呢間位於紅綿大廈地下, 佢嘅裝修好華麗, 充滿古色古香, 好用心嘅佈置, 座位都比較闊落, 一坐低店員就會放低醬料九宮格 包括辣椒、蔥、生蒜、芝麻、炸蒜、芫荽、醃青瓜和乾蔥油, 每位醬介$25。湯底有鎮店7款, 有時令湯底6款, 仲有秋冬推介2款; 我地揀咗玲瓏浮凸-花膠雞湯鍋。
3 瀏覽
0 讚好
0 留言
4 瀏覽
0 讚好
0 留言
3 瀏覽
0 讚好
0 留言

玲瓏浮凸-花膠雞湯鍋 - $318/半隻
半隻雞, 加兩大大片花膠打邊爐湯底都真係幾豪; 湯底金黃色好吸引, 店員幫我地剪好哂啲花膠放哂係湯煲湯內先, 等佢滾一陣, 店員叫我地飲碗湯先, 飲落超濃, 覺得自己飲緊雞精落肚, 飲完湯可以開始慢慢打邊爐, 之後就可以落埋啲雞, 因雞係半生熟, 加熱幾分鐘就食得, 肉質鮮嫰。
12 瀏覽
0 讚好
0 留言

牛肉拼盤 (細) - $418
打邊爐一定要叫牛, 但有時心大心, 唔知叫咩牛肉食好, 呢個拼盤包含牛既唔同部位, 重牛味之餘仲要冇咩肥膏; 上枱係一整盤仙氣牛肉盤咁, 每樣牛都精緻無比, 色澤均勻, 顏色好靚, 雪花分布平均; 包括有牛味香濃頂級牛小排, 美國頂級雪花肥牛, 溢出牛脂香嘅骰子牛肉粒, 有咬口牛𦟌, 爽彈牛吞喉, 整體高質牛味濃厚。
2 瀏覽
0 讚好
0 留言

伊比利亞橡果豬 - $168
叫咗一份伊比利亞橡果豬, 食落唔會好膩, 清晰嘅油花, 好平均分佈, 邊邊嘅肉質肥美帶果香, 肉味豐腴, 絕無肉羶味。
2 瀏覽
0 讚好
0 留言

黑松露蟹肉餃 - $78
皮薄餡多, 粒粒餡料都好飽滿, 咬開見到真係有蟹膏, 裏面有鮮香十足既蟹肉配埋黑松露香, 香氣撲鼻食完一粒再encore
2 瀏覽
0 讚好
0 留言

手打蟹子鮮蝦丸 - $72
最鍾意叫手打丸, 今日呢個蝦丸幾爽口彈牙, 又夠新, 我一庚食咗幾粒。
3 瀏覽
0 讚好
0 留言

雜菜拼盤 - $98
擺盤好靚,, 夠哂大盤, 勝在咩都有, 有金菇, 生菜, 娃娃菜, 油麥菜, 木耳, 粟米, 蓮藕片, 海帶, 紅菜頭, 萵筍都有, 種類豐富, 色彩鮮艷。
8 瀏覽
0 讚好
0 留言

竹蔗茅根 - $78
大大壺用一個好別緻又好中國式嘅茶壺裝住, 入邊仲見到係真材實料, 清甜可口, 打邊爐下火之選。
3 瀏覽
0 讚好
0 留言
16 瀏覽
0 讚好
0 留言
3 瀏覽
0 讚好
0 留言

火焰焦糖豆腐花
呢個係凍嘅豆腐花, 用木桶裝住, 店員會將紅糖加上去先, 加少少酒, 再用火槍燒出焦糖, 變成焦糖脆面嘅豆腐花; 豆腐花好嫩滑, 另一樽糖水, 甜度由你自己再調配。
(以上食評乃用戶個人意見 , 並不代表OpenRice之觀點。)
張貼
評分
味道
環境
服務
衛生
抵食
用餐途徑
堂食