一本‧串里 (已結業)

今日👦🏻約左朋友去會所篤波，篤波🎱前梗係食番餐好嫁啦，最後我地去左「一本串里」食日本野，大戰前先醫醫個肚😂。🌟 壽司類 (特長燒鰻魚壽司/三文魚壽司/劍魚腩壽司/三文魚籽壽司/油甘魚壽司)今次我地點左六款壽司，包括特長燒鰻魚壽司/三文魚壽司/劍魚腩壽司/三文魚籽壽司/油甘魚壽司。每一款都新鮮可口，鮮甜滑順，唔會有雪味。最值得推介係劍魚腩壽司同油甘魚壽司。劍魚腩油份特別高，口感新鮮嫩滑，加上自身豐富的脂肪，食落去極香魚油味。而油甘魚壽司當中既魚肉完全無筋，所以食落去質感非常幼嫩，帶有甘甜嘅味道。每一款壽司都可以免費升級相撲壽司，比普通壽司飯增加20g。🌟 炸物類 (酥炸吉列蠔(5隻) / 炸軟殼蟹卷(6件))酥炸吉列蠔將生蠔炸到脆卜卜，食果時炸蠔外層酥化而內裏就食落多汁鮮甜，味道清新而唔會膩。蟹卷將軟殼蟹炸到金黃色，食落口香脆，極脆口!而且軟殼蟹肥美，肉質清新，鮮甜。🌟 珍寶赤蝦刺身/時令生蠔珍寶赤蝦刺身蝦身晶瑩剔透，肥美爽滑之餘仲味道甘甜濃郁，咬落去啖啖肉。而時令生蠔海水味重，蠔味亦都比較重，可以話係蠔味溢滿口中，留下無窮餘韻!