鮨一日本料理 (大壩街)

營業中

休息中

鮨一係尖咀稍有名氣，一直未有機會試，經過荃灣見到新開分店，就梗係要試下。餐廳大概只有20個座位左右。被安排坐在吧台位置，可以望住師傅整壽司。田園沙律 上碟前已預先用柚子醋調味，唔夠還可沾附上的日式芝麻醬。燒鱈魚干呢個係我至愛，香脆可口,佐酒一流。壽司方面的確有d 少貴，馬糞海膽 $98 但食入口海膽甘甜creamy唔會臭腥味!火炙劍魚腩壽司$20 食落感覺有種食豬肉口感。火炙鰈魚邊壽司$26入口即溶魚油香。活赤貝壽司 （2件）$55爽口鮮甜，底部墊了紫蘇葉香氣更突出。燒油甘魚鮫 皮薄而脆，肉嫩魚油香。冷稻庭烏冬 烏冬煙煙韌韌掛汁，幾清爽。燒日本梅子茶漬飯 配日本綠茶底，仲有芝麻香氣更濃郁。日式芝士蛋糕算紮實芝士味濃郁的蛋糕。