影片
更多
2022-10-05
56 瀏覽
10月份又到我最喜愛既生日月啦，好朋友知我鐘意食日本菜話要請我食生日飯，搵左呢間荃灣隱世日本居酒屋，食物種類好多元化，有日本空運到港既魚生刺身、串燒、炸物等等應有盡有，酒鬼們仲可以加$199 享用啤酒無限時放題添，總有一款啱你口味🌟日本直送原條季節魚刺身 ($348)推介大家要試下佢地既季節魚刺身，全部都係日本空運到港，店員推介我試下近期當造既魴鮄魚，魚質紮實口感清甜，魚骨可以加工拎去炸，魚骨炸到好酥脆，成條骨都食得，真係無介紹錯👍🏻👍🏻👍🏻🌟牛腸鍋 ($158)第一次食牛腸鍋，湯底非常清甜，牛腸處理得好乾淨，口感軟淋，鍋內既配菜吸收哂湯底精華，正🥰🥰🥰🌟黑豚鐵板飯 ($88)記得以前大學嗰陣好鐘意食Pepper Lunch既鐵板飯，而家好似愈黎愈少見到，呢度有黑豚鐵板飯即刻叫返個黎重拾當年既回憶，黑豚肉味香濃有嚼勁，配埋秘製醬汁特別好食😋🌟串燒冬菇 ($18)串燒冬菇火侯控制得剛剛好，唔會燒到好乾，仲好juicy添😍🌟串炸黑豚腩 ($24)炸物方面就揀左串炸黑豚腩，炸粉唔算好厚，黑豚腩油脂甘香😋😋🌟章魚燒 ($48)好掛住大阪心齋橋既章魚燒，見到瀛燒有得食即刻叫返碟試下，入面有原粒章
10月份又到我最喜愛既生日月啦，好朋友知我鐘意食日本菜話要請我食生日飯，搵左呢間荃灣隱世日本居酒屋，食物種類好多元化，有日本空運到港既魚生刺身、串燒、炸物等等應有盡有，酒鬼們仲可以加$199 享用啤酒無限時放題添，總有一款啱你口味
🌟日本直送原條季節魚刺身 ($348)
推介大家要試下佢地既季節魚刺身，全部都係日本空運到港，店員推介我試下近期當造既魴鮄魚，魚質紮實口感清甜，魚骨可以加工拎去炸，魚骨炸到好酥脆，成條骨都食得，真係無介紹錯👍🏻👍🏻👍🏻
🌟牛腸鍋 ($158)
第一次食牛腸鍋，湯底非常清甜，牛腸處理得好乾淨，口感軟淋，鍋內既配菜吸收哂湯底精華，正🥰🥰🥰
🌟黑豚鐵板飯 ($88)
記得以前大學嗰陣好鐘意食Pepper Lunch既鐵板飯，而家好似愈黎愈少見到，呢度有黑豚鐵板飯即刻叫返個黎重拾當年既回憶，黑豚肉味香濃有嚼勁，配埋秘製醬汁特別好食😋
🌟串燒冬菇 ($18)
串燒冬菇火侯控制得剛剛好，唔會燒到好乾，仲好juicy添😍
🌟串炸黑豚腩 ($24)
炸物方面就揀左串炸黑豚腩，炸粉唔算好厚，黑豚腩油脂甘香😋😋
🌟章魚燒 ($48)
好掛住大阪心齋橋既章魚燒，見到瀛燒有得食即刻叫返碟試下，入面有原粒章魚肉，肉質彈牙有嚼勁，好出色😍😚
🌟生啤 ($48)
今日忙左成日要同朋友啤啤佢先，如果聽日唔洗返工應該會叫埋個啤酒放題，而家唯有淺嘗算啦🤣
張貼
