豚道樂 (大河道) (已結業)

拉麵隱又黎啦，上幾次經過都好多人排隊，今次特登早少少黎食。餐廳細細中間有兩張長方枱，可坐十人左右，亦有高枱高櫈可選擇，好鐘意餐廳裝潢，好有日本風格，天花掛滿了好多劍球，有個細細的貨櫃，好特別呢。拉麵有七款，有一款只是五六日限定海老湯拉麵，當然要食以款。海老湯拉麵+$13轉特上，特上之選配料有豬肩肉、豬腩肉、紫菜x2、糖心蛋半隻，亦可選擇麵種類，麵的硬度，要不要蔥。海老湯拉麵選擇了直麵， 全店以豬骨湯底做湯膽，海老拉麵於湯膽中加入蝦湯和蝦油，先嚐一口湯，好多櫻花蝦，蝦味濃郁，好鮮甜，不會太鹹，喝罷不口渴。原味豚骨拉麵+$13轉特上選擇了曲麵，湯身豬骨味濃厚，有微微的黏稠度，糖心蛋夠流心，豬腩肉肥瘦平均，入口軟腍，原本追加了麵，但未有咁快食，侍應走過來跟我說唔可以放咁耐，要盡快食，如果唔係麵就會腍，我很喜歡他們對麵的執著，最後侍應收了我那碗麵，最後我食完最後給我新的一碗，因為侍應話想由頭食到落尾麵都要一樣的口感，侍應好細心，我鐘意！牛油粟米（$10）日式餃子（$30）日式餃子既餡特別飽滿蒜蜜味叉燒（豬肩肉）（$25）好香蒜蜜味，食落甜甜地，估唔到咁好食炙燒芝士豚肉（$18）豚肉上放滿了輕輕