Homeland (荃灣廣場)

呢間荃灣餐廳好容易被遺忘，朋友同圈子講都無人識，令我更加好奇，結果無心插柳搵到呢個隱藏版美食。佢嘅波士頓龍蝦明太子海鮮薄餅真係超震撼，成隻龍蝦霸氣擺中間，配濃郁明太子醬，海鮮嘅鮮甜味道十足，食落口感豐富又開胃。仲有韓式玫瑰醬龍蝦QQ捲捲意粉，外形似蝦球，但係由原隻龍蝦做嘅肉丸，帶住玫瑰醬香氣，口感彈牙，食得出餐廳嘅創意同用心。
為咗慶祝自己四個月努力破1萬Followers，我點咗招牌甜品拼盤，包括Tiramisu奶蓋巴斯克蛋糕同開心果奶蓋巴斯克蛋糕，甜度適中唔膩，奶蓋輕柔滑順，蛋糕鬆軟細膩，賣相精緻，非常滿足。如果想更特別，可以預早一日通知餐廳畫碟服務，自由畫自己鍾意嘅公仔，令甜品更有愛同回憶。環境舒適，服務貼心，值得推介！荃灣朋友快啲嚟試下！