福丸水產 鉄板燒 日本料理 (已結業)

今日收工去咗荃灣食鉄板燒，見佢價錢ok，所以都係諗住試一試，無乜期望，因為始終呢區真係好少有鉄板燒食。一入到去有個鮮魚區，然後環境都無乜特別，不過因為我地食鉄板燒，所以入左個房到，環境好好多！鵝肝，賣相幾靚，不過略嫌太油，味道淡咗啲。之後有個海膽蟹肉蒸蛋，鉄板燒食呢啲又有啲搞笑🤔，不過味道都ok係個蛋有啲實到我最期待的牛喇，美國安格斯薄燒，廚師問我地要幾成熟，我地叫左medium rare，肉入面有啲蒜，加啲海鹽幾好味！再來第二round，今次點牛肉汁食，都好味嘅之後就係櫻花蝦炒飯，最後有個麵豉湯。甜品就係個雲呢嗱黃豆粉黑糖雪糕。總結，荃灣區鉄板燒真係第一次。