鋿晶館

營業中

休息中

荃灣最近人氣急升的自家製懷舊點心店鋿晶館，終於有時間可以同媽媽一齊試到啦～聽講點心師傅係日本東京富麗華同本地多間米芝蓮酒店酒樓做過，試下有幾正先～懷舊乾蒸牛肉燒賣（4粒 $32）話就話乾蒸，但牛肉燒賣仍然係脹卜卜好juicy，牛肉無乜肥肉，真材實料～懷舊鴨腳扎（$36）大大舊好抵食～特別想讚鴨腳處理得好乾淨，而且非常入味～鮮蝦菜苗餃（$34）堅皮薄餡靚！完全唔係普通酒樓貨色嘅厚皮餃，裡面不論係菜苗定蝦肉都好新鮮～活拆生剝鮮蝦腸（$45）大癲啊！幾乎每一啖都有原粒蝦肉，新鮮爽口，誠意之作～煎釀虎皮尖椒（$39）好耐無係酒樓食過虎皮釀尖椒，虎皮尖椒辣辣地好過癮～