海灣冰室 (已結業)

阿媽今晚罷工唔煮飯便外出揾食，行到屋企附近海之戀商場，海旁附近有好多餐廳，選擇了其中一間冰室 - 海灣冰室。雖然有個海灣花園，不過海灣冰室都冇改錯名既，確實係坐立於海灣旁，卡位完美享受藍巴勒海峽的夜景。早上有天然日光照射應該仲坐得舒服！冰室屬於轉手經營，所以有部份餐牌有待完善～ 佢地同其他餐廳唔同，只有戶外入口（因為旁邊其他餐廳有商場入口），係最近西鐵的一間餐廳，好方便！生炒糯米飯 ($88) 最近天氣開始凍，超想食糯米飯同熱野，所以揀咗呢個生炒糯米飯，係今年第一啖糯米飯呀！賣相唔錯，上菜時熱辣辣。有蠟腸、蠟鴨、花生，蛋絲鋪面，味道不錯！沙爹粉絲肥牛煲 ($88) 用肥牛、金菇、粉絲、燈籠椒、菠蘿、汁多，特別在於用菠蘿另到個汁有少少果酸味。跟埋個白飯份量算幾多，如果晚餐一人份量已非常足夠食到飽！仲加咗碟菜，煮得好淋有家的感覺😂店員十分友善！雖然食物等候時間有點長，他們也主動告知廚房製作時間需要長點預備時間！