更多
2020-11-13
1527 瀏覽
今日去開荃灣買野，突然興起想食瑞士雞翼。上openrice見到呢間樓下冰室，好似好正咁，就一於去試下啦。去到見到都好爆場，經理都叫我哋要等一等，不過好快就入到去啦。量好體溫之後，就安排我哋坐左係個卡位度，附近都有板格一格開。餐牌啲選擇都好多，我哋睇左一輪就叫左幾樣野。飲品就上枱先，有菠蘿冰同綠椰冰。菠蘿冰有好多菠蘿，仲係新鮮架，唔係開罐頭果啲，我食極都食唔晒。而個綠椰冰就係椰汁冰同綠豆蓉，啲蓉都好多下，同埋椰汁飲真係一絕！小食我哋叫左3隻瑞士雞翼同芝士蒜蓉多士，個雞翼係全翼嚟，亦都好大隻下，食落啲肉好滑，啲汁都好入味，正。而個多士就大大塊熱辣辣上枱，烤得啱啱好，仲好脆。而啲芝士同蒜蓉都俾啲熱力溶左，好香好好食。而主食我哋叫左招牌胡椒豬肚滑雞米線同自家製蔥花叉燒滑蛋飯。個米線係驚為天人地大碗，以為兩個人食咁。入面啲配料多到食唔晒，而且好重胡椒味，冬天食好正。米線亦都好爽，飲埋啖湯就一絕。而個叉燒蛋飯亦都大大碗，啲蛋同叉燒多到睇唔到啲飯，叉燒入味又軟熟，蛋亦都好厚身，飯底仲有豉油，撈埋食好正。最後想一提啲侍應好有禮貌，仲會介紹啲野食，做到無停手都保持到禮貌，咁樣埋單都唔駛200蚊，好推薦大
餐牌啲選擇都好多，我哋睇左一輪就叫左幾樣野。飲品就上枱先，有菠蘿冰同綠椰冰。菠蘿冰有好多菠蘿，仲係新鮮架，唔係開罐頭果啲，我食極都食唔晒。而個綠椰冰就係椰汁冰同綠豆蓉，啲蓉都好多下，同埋椰汁飲真係一絕！小食我哋叫左3隻瑞士雞翼同芝士蒜蓉多士，個雞翼係全翼嚟，亦都好大隻下，食落啲肉好滑，啲汁都好入味，正。而個多士就大大塊熱辣辣上枱，烤得啱啱好，仲好脆。而啲芝士同蒜蓉都俾啲熱力溶左，好香好好食。而主食我哋叫左招牌胡椒豬肚滑雞米線同自家製蔥花叉燒滑蛋飯。個米線係驚為天人地大碗，以為兩個人食咁。入面啲配料多到食唔晒，而且好重胡椒味，冬天食好正。米線亦都好爽，飲埋啖湯就一絕。而個叉燒蛋飯亦都大大碗，啲蛋同叉燒多到睇唔到啲飯，叉燒入味又軟熟，蛋亦都好厚身，飯底仲有豉油，撈埋食好正。最後想一提啲侍應好有禮貌，仲會介紹啲野食，做到無停手都保持到禮貌，咁樣埋單都唔駛200蚊，好推薦大家去試下！
張貼
