362
67
9
港鐵荃灣站 A1 出口, 步行約5分鐘 繼續閱讀
所有分店 (2)
電話號碼
35654599
開飯介紹
懷舊港式冰室,番茄濃湯通粉配牛乳炒蛋同瑞士雞髀是不少食客的必點之選。玻璃冰、紅豆冰和綠椰冰等特飲亦有水準。 繼續閱讀
營業時間
今日營業
11:00 - 00:00
星期一至日
11:00 - 00:00
其他資料
Wi-Fi
食評 (476)
等級4 2019-06-18
776 瀏覽
今日難得放假 同媽媽落樓下撐枱腳咁啱大家都想食雞脾荃灣好多餐廳 但我最好味既雞脾都係呢間六點落去食個早晚餐但係都爭啲無位 好食既野係旺場啲呢度坐得又舒服 全部都係梳化位啱晒放假懶洋洋既我地價錢亦都好合理 黎到呢度一定要叫既係瑞士雞脾同媽媽一人一隻一個飲檸茶一個飲檸蜜其實餐廳仲有好多特色飲品叫睇個色就知入味 甜度啱啱好雞脾大大隻食落真係好味又滿足當然 雞脾除左散叫 亦可跟通粉餐呢度既蕃茄通加左滑蛋(另外加錢加埋牛肉)湯底濃濃蕃茄味 仲會有蕃茄蓉係入面鮮牛好淋有肉味 必加之選通粉粒粒索晒啲湯 超好味 唔會係淋滋滋既通粉媽媽叫左滑蛋叉燒飯好足料滑蛋仲有蛋汁 蛋味亦好濃飯粒分明 唔會係爛飯媽媽食到停唔到口補返個菜中和下芝士焗西蘭花每粒西蘭花都有焗香左既芝士西蘭花唔會乾爭爭又香又好味食住咁多美食再大口飲啖凍檸茶爽呀咁多野食都係$17x 超抵食食到我地飽足成晚 繼續閱讀
(以上食評乃用戶個人意見 , 並不代表OpenRice之觀點。)
等級4 2019-04-25
2413 瀏覽
今晚放工想簡簡單單食餐飯放鬆下,於是約咗朋友去荃灣試下樓下冰室,呢間係另一間分店,位於熊貓酒店附近,裝修好特別,有少少懷舊既感覺。餐牌除咗有一般既茶餐廳食物之外,仲有啲特別嘅小食,我同朋友都好有興趣試下啲小食,所以就叫咗炸海鮮芝士豆腐, 焗芝士西蘭花, 焗芝士肉醬薯角, 麻辣脆雞粒, 蕃茄通配瑞士雞脾, 咸檸七同埋華田脆脆。炸海鮮芝士豆腐 (6粒) - 喺出面比較少食到,有淡淡既芝士味,裏面似魚蛋加豆腐,口感滑滑的,唔會好漏,一口接一口,我同朋友好快就KO咗成碟。焗芝士西蘭花 - 表面鋪滿芝士,粟米同忌廉汁,芝士味好香濃,每件西蘭花都可沾滿醬汁,好好食。焗芝士肉醬薯角 -一樣好足料,表面鋪滿芝士肉醬,肉醬味酸酸甜甜,薯角焗得香脆,連埋一齊食味道好夾,一流。麻辣脆雞粒 -脆雞粒就食得多,但麻辣味就比較少見,所以就叫咗黎試下,果然冇令我哋失望,雞粒炸得好脆,唔會太厚粉,帶少少麻辣味,好過癮,必試。蕃茄通配瑞士雞脾 -呢到既招牌菜,味道果然好出色,蕃茄香濃,酸甜開胃,配上滑蛋通粉,雖然材料簡單,但味道絕不簡單,一個字正。瑞士雞脾,好入味,唔會過甜過咸,味道啱啱好,仲啖啖肉,食完好滿足。咸檸七 - 懷舊飲品,粒咸金桔好夠味,配埋七喜好爽,飲完喉嚨好舒服。華田脆脆 -好夠味,唔會好淡,配埋面頭既脆脆有唔同口感,大愛。果然茶餐廳係香港既特式,係好多香港人既情誼結,而呢間茶餐廳仲要保留傳統美食再加上創新美食,難怪可喺咁多競爭既荃灣開多間分店而依然滿座。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-04-06
2082 瀏覽
呢日同同事要OT夜左收工😢咁辛苦OT完當然要食返啲好嘢慰勞自己,好彩公司樓下有小巴直落荃灣,方便我地搵食😋嚟到門口好彩唔算多人,等左5分鐘都唔使就可以入座。冰室座位舒適,以卡位為主,裝修新淨光猛,仲有唔少懷舊小裝飾,最值得一讚係幫忙落單嘅姐姐好好笑容,手腳快服務好👍🏻⭐️咖喱牛腩飯 HKD$50咖喱味香濃得嚟唔辣,食唔到辣嘅朋友都可以試,牛腩入味,肉質有咬口得嚟鬆化,一啲都唔會韌。⭐️招牌瑞士雞翼配牛油厚多士及粟米雜果沙律 HKD$53我哋覺得呢個瑞士雞翼絕對係驚喜之作👍🏻雞翼色澤亮麗,雞皮滑溜有彈性,連雞肉都好入味,瑞士汁咸中帶甜,開胃惹味。⭐️麻辣脆雞粒 HKD$38呢個都係我哋嘅必食推介,雞粒炸得外脆內軟,外皮乾身唔油膩,一啖一口,少少辣,食到停唔到口🤤⭐️焗芝士西蘭花 HKD$36平時出街食飯比較少食菜,見呢度有芝士西蘭花,一於叫嚟試吓。芝士份量都唔少,仲有拉絲效果,西蘭花煮得爽脆唔硬👍🏻⭐️熱柑橘檸蜜 HKD$11飲落順喉,香甜好味👍🏻⭐️忌廉紅豆冰 HKD$14足料大大杯,忌廉軟滑,味道唔會過甜。 繼續閱讀
(以上食評乃用戶個人意見 , 並不代表OpenRice之觀點。)
等級4 2019-03-07
294 瀏覽
放緊假,坐西鐵,去荃灣,食好西~let go🏃‍♀呢幾年荃灣發展一日千里,沿著行行人天橋往大河道方向,沿途所見地下好多舖頭已經改頭換面了😔,連路德圍也一樣,好彩食開嗰幾間餐廳仍然喺度😌,本來行過去食😆, 但轉個彎去咗呢間餐廳👇, 咁就對腳停低咗,因為本身是個蕃茄狂迷,鍾意飲番茄汁🥫,而這裏主打番茄通, 好似好好味咁,不由自主的行咗入去喇😂🤣呢度全部都係擺放卡位,裝修富有香港特色,牆身掛有懷舊海報、膠片,勾起好多回憶,令人懷舊一番😌食物款式也不錯哦特色蕃茄濃湯通粉配牛乳炒蛋十 炸韭菜餃子$58.00 蕃茄味濃、杰身, 好似飲緊蕃茄汁咁🥫, 牛肉同炒蛋都好嫩滑,清底🤭yummy炸韭菜餃 非一般份量眼都突埋,估唔到咁多隻,仲咁大隻㖭,脆身、料多華田脆脆$10.00真係好阿華田,哦! 今次真係食到捧著肚走,下次再vs過👏👏👏 繼續閱讀
(以上食評乃用戶個人意見 , 並不代表OpenRice之觀點。)
等級4 2019-01-30
2841 瀏覽
忽發好想吃蕃茄通,隨即想起這家位於荃灣路德圍的樓下冰室。餐廳的座位佈局有點兒密麻麻的感覺,但全場都是放滿大家喜愛的卡位。餐點的選擇有推介蕃茄濃湯通粉套餐由$42-$58,還有特色主食、咖喱、冰室經典、瑞士雞翼和香蔥豉汁飯不等,價錢由$46-$53, 全都是大眾化定價。招牌瑞士雞髀配特色蕃茄濃湯通粉/牛乳炒蛋$50這瑞士雞脾味道不錯!雞脾煮得十分入味,而且雞脾肉唔鞋口,加上惹味香甜的瑞士汁,可算不錯。這蕃茄通的通粉幾爽口,滿滿是天然的蕃茄湯風味,雖然茄味沒有茄膏咁濃,但有著蕃茄天然的酸味,加埋那牛乳炒旦和薑片,味道變得無咁寡,一如吃蕃茄炒旦的家常風味。冰室炒意粉$53這炒意粉的材料有腸仔、火腿和雞肉。蕃茄味十足,酸中帶甜,而且每條意粉都濕潤的勻沾滿醬汁,雖然算不上極為味美,但有著中學時的港式快餐的舊有味道。呷一口檸檬菜蜜(+$8),暖暖的,甜蜜蜜又帶點酸,感覺滋潤。Honey 點了兒時最愛的利賓納(+$8),味道濃郁,唔會太淡。這家店的裝潢沒有現時摩登冰室的裝潢咁華美,而餐點也沒黑毛豬或什麼黑松露,反而帶一點舊曰冰室樸實的感覺,可以一試。 繼續閱讀
(以上食評乃用戶個人意見 , 並不代表OpenRice之觀點。)