影片
更多
2022-04-11
145 瀏覽
喺荃灣之前有間做九宮格小食拼盤好出名嘅台式餐廳別忘了，佢哋依家仲做埋住食火鍋添。佢哋餐廳有好多好值得打卡嘅櫻花樹，令人有種喺櫻花樹下用餐嘅感覺。呢度有九款不同口味嘅湯底，有辣有唔辣，點都會有一款啱哂你，亦都可以選擇一人一鍋又或者好似我哋咁鴛鴦鍋亦得。我哋呢次揀咗台灣香濃椰子雞湯同埋台灣惹味沙茶鍋。前者夠哂清潤，每啖都可以食到濃郁嘅椰子獨有嘅清香味，後者嘅沙茶味好突出，未上檯都聞到，夠哂惹味。佢哋同出面嘅任食火鍋一樣都提供不同嘅套餐任君選擇。我哋呢次就揀咗set C呢個美國 SRF牛肩肉眼芯 成人＄308小童＄208呢個套餐嘅肉包括安格斯牛小排、封門柳、牛肩胛、牛板腱、鹿兒島豬肉、羊肉卷等。佢哋嘅肉每款都咁出色，我自己就最鍾意封門柳，呢個部位唔係間間嘅火鍋放題都會提供，物以罕為貴所以一定要食多幾次，二來肉質口感都較其他嘅好，肉味又夠濃，唔會太多油花令到食得多會太膩。佢哋嘅自助區有各式嘅手工丸類、手工餃子、蔬菜、豆腐及其他火鍋配料。有多款手作彈牙爽口手工肉丸，如魚皮餃、牛丸、花枝丸、有多款時令蔬菜如生菜、椰菜、羽衣甘藍及皇帝菜等，還有金菇、豆腐、南瓜及杏鮑菇等豐富配料。呢度仲提供多款嘅台灣
喺荃灣之前有間做九宮格小食拼盤好出名嘅台式餐廳別忘了，佢哋依家仲做埋住食火鍋添。佢哋餐廳有好多好值得打卡嘅櫻花樹，令人有種喺櫻花樹下用餐嘅感覺。
呢度有九款不同口味嘅湯底，有辣有唔辣，點都會有一款啱哂你，亦都可以選擇一人一鍋又或者好似我哋咁鴛鴦鍋亦得。我哋呢次揀咗台灣香濃椰子雞湯同埋台灣惹味沙茶鍋。前者夠哂清潤，每啖都可以食到濃郁嘅椰子獨有嘅清香味，後者嘅沙茶味好突出，未上檯都聞到，夠哂惹味。
佢哋同出面嘅任食火鍋一樣都提供不同嘅套餐任君選擇。我哋呢次就揀咗set C呢個美國 SRF牛肩肉眼芯 成人＄308小童＄208
呢個套餐嘅肉包括安格斯牛小排、封門柳、牛肩胛、牛板腱、鹿兒島豬肉、羊肉卷等。
佢哋嘅肉每款都咁出色，我自己就最鍾意封門柳，呢個部位唔係間間嘅火鍋放題都會提供，物以罕為貴所以一定要食多幾次，二來肉質口感都較其他嘅好，肉味又夠濃，唔會太多油花令到食得多會太膩。
佢哋嘅自助區有各式嘅手工丸類、手工餃子、蔬菜、豆腐及其他火鍋配料。
有多款手作彈牙爽口手工肉丸，如魚皮餃、牛丸、花枝丸、有多款時令蔬菜如生菜、椰菜、羽衣甘藍及皇帝菜等，還有金菇、豆腐、南瓜及杏鮑菇等豐富配料。
呢度仲提供多款嘅台灣小食，好似有鹽酥雞、台灣香腸、炸甜不辣、炸花枝丸等等，極具台灣風味。
當然唔少得甜品啦！，佢哋嘅甜品除咗有台式嘅甜品好似鮮草芋圓、雪花冰各式果凍奶凍之外，仲有提供Movenpick 雪糕。
飲品方面佢哋都好專業，完全好似出面嘅茶飲店一樣，大部份嘅台式飲品都一應俱全。
張貼
