El Cerdo (大壩街) (已結業)

係荃灣見到有間門面同內裡都幾靚同高級餐廳，但原來係食西班牙野，價錢又不算太貴，我同老婆未試過食正宗西班牙菜，於是入去試下吧。雖然店舖不算大間，但裝潢絕對比足心思，望落有高級餐廳的感覺，唔錯唔錯。睇左餐牌之後叫左幾個來試下先。【傳統洋蔥薯仔西班牙奄列- Classic spanish tortilla】上菜既時侯，我見這個有少少似日本既大板燒既奄列，比我想像中好，D道奄列好香口，口感亦好特別，同樣配以沙拉醬，味道十分佳。【鮮蘆筍配極上黑毛豬火腿及64度蛋- Asparagus 64c egg & jamon】成個感覺好精緻呀，蘆筍整得岩岩好，配上少少咸香既黑毛豬火腿最正，而溫泉蛋個形狀好靚好滑，成個配搭都好match。【香脆玉桂條配楱子朱古力醬 - Churros with nutella】這個甜品原來是西班牙著名的油條，但這裡不是朱古力醬而是榛子醬，喜歡榛子有福了。即叫即炸的油條熱辣辣，炸得又夠金黃色又鬆脆，浸在榛子醬吃真係好正。