一本‧串里 (已結業)

嗰日做完嘢喺荃灣搵食，俾我搵到呢間一本串里，入到去佢哋嘅木系裝修，加埋少少櫻花裝飾，都幾有日本feel🤭呢度除咗有壽司、刺身、串燒之外仲有定食同埋拉麵，都好多種類！佢哋有一個推介Menu，裏面嘅珍寶赤蝦，生蠔同埋特長燒，鰻魚壽司我都嗌咗，果然一啲都冇失望，個價錢仲好親民👍🏻呢度另一樣幾特別嘅嘢，就係佢啲壽司可以嗌多飯，啱晒鍾意食飯嘅人🤭我特別推介嘅係佢哋嘅大吞拿魚壽司，啲色水超靚，食落好有鮮味，唔小心嗌多咗壽司飽咗，下次要再過嚟試吓佢哋嘅串燒先！