極品靚鍋 (已結業)

老師話哥哥學習有進步😍寫字快左好多！咁乖仔😁一於去極品靚鍋打邊爐啦🍲荃灣人搵食必去大鴻輝中心😆呢間極品靚鍋係6 樓！一入到去真係勁舒服😌因為佢樓底勁高！餐廳d位都好闊落💗佢哋主打澳洲既短角牛！我哋揀左C餐美國SRF極黑和牛套餐😍除左有極品牛同埋海鮮火鍋配料任食兩個鐘之外🦐🐖🐂🥬仲有勁大排雪櫃好多唔同款式嘅嘢飲任飲🧃推介佢地自家製既玫瑰烏龍冷泡茶、馬蹄竹蔗茅根同埋夏枯草😍全部都好正宗！好夠味！仲可以清心滋潤降火🥰火鍋有12款湯底選擇，我地揀左鴛鴦鍋🍲養生黑蒜豬骨鍋同埋田園蕃茄野菌鍋🍅滾起嘅時候勁香😍💗哥哥最鍾意食嘅就係8 吋長蟹棒！吸左香濃嘅蕃茄湯汁之後，勁鮮味！蟹籽手打墨魚滑，彈牙爽口嘅墨魚滑上面仲有哥哥最鍾意嘅蟹籽粒粒！食落勁有咬口😁💗澳洲短角牛肉眼！肉質嫩滑有彈性！我最鍾意嘅就係勁大隻既韓國生蠔，鮮甜美味！仲有生猛海蝦🦐全部都係啖啖肉😋瘋狂食完一輪之後就梗係去到甜品時間啦⏰啫喱蛋糕杯仔都有四款！哥哥最鍾意就係紫薯口味💜我就最鍾意食綠茶🍵就連雪糕呢度都有10幾種口味選擇💖最重要係任食😁真係好抵！