百元鹽水雞 (已結業)

個商場開咗一段時間都冇行過，今日經過嘅時候見到有一間台灣野，店舖幾有特色就吸引咗我入去台灣一直都好興鹽水雞，但作為吃貨嘅我竟然未食過，有啲肚餓就即興買咗份經典一人便當。便當包左一份鹽水雞，一份主食同兩款配菜。鹽水雞🐔 佢可以揀雞胸或者雞髀，我覺得雞髀應該會滑啲，所以就揀咗雞髀位，兩款配菜我今次好健康，揀咗萵筍同埋杏鮑菇。仲有幾款口味俾你揀，我就揀咗古早味要小辣，配合返台灣嘅味道。冇諗過原來鹽水雞真係幾好食😋古早滷肉飯配滷蛋主食裏面我揀咗滷肉飯，簡既原因係因為琴日已經好想自己整黎食，咁岩比我見到就唔使自己買材料整，呢個份量啱晒我，而且滷肉份量都多，半肥瘦嘅肉真係冇得輸。雙拼蛋餅 $29喺台灣嘅我勁鍾意食蛋餅，好耐冇食蛋餅忍唔住叫一份，揀咗芝士粟米，係台灣嘅味道，真係好掛住台灣。冬瓜茶 +$9以前嘅我唔鍾意飲，唔知點解自從喺香港冇得飛去台灣之後就勁鍾意飲冬瓜茶。