影片
更多
2017-12-07
314 瀏覽
一向都係京林屋嘅忠實粉絲，間唔時就心思思想去食番餐，今日，約咗朋友一齊去太古分店食晚飯。未睇餐牌已經決定要食，金目鯛定食，朋友就食林屋和食料理。開餐前，梗係要飲番杯熱茶先啦，我嗰杯係桃味焙茶，淨係聞倒D熱氣，已經夠曬香甜，熱辣辣咁入口，茶味好香濃，完全冇比D桃味搶咗。朋友嗰杯係焙茶朝薰，純粹嘅茶葉清香，味道好舒服。林屋和食料理，賣相好豐富，分咗四格嘅大碟，放咗四款菜式，有八爪魚蟹子沙律，彈口嘅八爪魚、卜卜脆嘅蟹子，加埋酸酸地嘅沙律醬，感覺好開胃。仲有好多芝士粒嘅魚蛋條、帆立貝加埋鹹鹹地嘅小魚乾，好啱送飯。豆腐雜菜漢堡，有豆香又爽口，側邊仲有豚肉同埋木耳絲，混埋D醬汁，好惹味。主菜係燒鯖魚，甜甜地嘅魚鮮味，好好味。定食當然唔少得味噌湯，夠曬熱度，特別好飲。唔好以為D食物望落去好似細細份咁，其實，食落都唔少㗎！再加埋碗軟綿綿、啖啖茶香嘅焙茶飯，真係夠曬飽。金目鯛定食，賣相就簡單D，同樣有味噌湯、焙茶飯同蘿蔔漬，金目錭魚脂豐富，好有油香，薄薄嘅魚皮底下，有層好厚嘅膠質，令口感更滑溜鮮甜。食飽飯，甜品即到，朋友食甘栗甜湯，濃郁嘅抹茶香、綿密嘅紅豆蓉、煙韌嘅白玉、加埋完粒甘甜栗子，食曬成碗，即時
未睇餐牌已經決定要食，金目鯛定食，朋友就食林屋和食料理。開餐前，梗係要飲番杯熱茶先啦，我嗰杯係桃味焙茶，淨係聞倒D熱氣，已經夠曬香甜，熱辣辣咁入口，茶味好香濃，完全冇比D桃味搶咗。
朋友嗰杯係焙茶朝薰，純粹嘅茶葉清香，味道好舒服。
林屋和食料理，賣相好豐富，分咗四格嘅大碟，放咗四款菜式，有八爪魚蟹子沙律，彈口嘅八爪魚、卜卜脆嘅蟹子，加埋酸酸地嘅沙律醬，感覺好開胃。仲有好多芝士粒嘅魚蛋條、帆立貝加埋鹹鹹地嘅小魚乾，好啱送飯。豆腐雜菜漢堡，有豆香又爽口，側邊仲有豚肉同埋木耳絲，混埋D醬汁，好惹味。主菜係燒鯖魚，甜甜地嘅魚鮮味，好好味。定食當然唔少得味噌湯，夠曬熱度，特別好飲。唔好以為D食物望落去好似細細份咁，其實，食落都唔少㗎！再加埋碗軟綿綿、啖啖茶香嘅焙茶飯，真係夠曬飽。
金目鯛定食，賣相就簡單D，同樣有味噌湯、焙茶飯同蘿蔔漬，金目錭魚脂豐富，好有油香，薄薄嘅魚皮底下，有層好厚嘅膠質，令口感更滑溜鮮甜。
食飽飯，甜品即到，朋友食甘栗甜湯，濃郁嘅抹茶香、綿密嘅紅豆蓉、煙韌嘅白玉、加埋完粒甘甜栗子，食曬成碗，即時有份暖笠笠嘅幸福感。
雖然天氣已經轉冷，但自己始終最愛清爽冰涼嘅甜品，叫咗特製林屋抹茶餡蜜，一大碗有齊抹茶蕨餅、白玉、紅豆蓉、仲有一大球抹茶雪糕，全部都係店家名物，至愛當然係抹茶蕨餅，少少黏嘅彈牙口感，真係好好味，跟住再飲埋杯冰凍抹茶，滿口茶香，清甜回甘，實在令人精神爽利。
張貼
