茶墨 (已結業)

近日限聚令稍為放寬咗少少，戲院🎬、健身室都重開返，小妹就相約友人去the one 睇戲啦，見仲有少少時間就諗住搵間cafe 坐一陣先。睇商場水牌發現原來the one 入面有間茶飲店「茶墨」，店面以白色為主加上少量植物嘅裝飾，文青感大增呀！兩位「偽文青」就急不及待去揀野飲啦，店員推薦下試咗貴店人氣皇牌產品-水墨畫風嘅手搖杯。水墨風系列有4種味道，小妹就揀咗最高人氣嘅麻糬芝麻烏龍鮮奶茶，嘩嘩嘩，淨係賣相就已經非常igable ，第一啖飲落去就已經係滿滿香濃嘅黑芝麻味，鐘意食芝麻糊嘅你就一定要試下，平時珍珠就食得多啦，麻糬加手搖杯我就第一次試啦，麻糬口感煙煙韌韌好有咬口👍友人就被雪糕奶昔所吸引到，身為抹茶控嘅佢就毫無疑問地揀咗抹茶雪糕奶昔😋😋「茶墨」除咗有賣手搖杯，仲有低脂gelato 同cake 賣嘅，友人話佢個杯gelato shake 嘅抹茶味好rich ，同埋佢係用gelato 打出嚟嘅milk shake，口感就更香滑更creamy 😎