影片
更多
2020-06-16
1106 瀏覽
好朋友生日，選址呢間餐廳主要因為靚，要食裝修環境feel嘛。呢間位置都幾方便 啱啱就係上環某一個地鐵站出口對面，所以對於冇乜方向感嘅人，都唔會做到迷路小羔羊。好正呀好鍾意呢啲英式feel，真係好想有個靚仔鬼佬坐係我隔離同我摸下酒杯底。餐廳地方好大，每個角落都有唔同嘅味道。每個座位都好寬闊，好適合一大班朋友過嚟傾偈聚會。穿過呢條走廊就係餐廳嘅另一邊呢間餐廳每一日都有唔同嘅promotion除咗好多酒精飲品之外，甜品都係一個唔錯嘅選擇。淨係睇個Menu都覺得好吸引！生牛肉他他：今次呢個加咗啲青椒口感同喺SOHO食嘅法國餐廳，及喺灣仔嘅西班牙餐廳都真係有啲唔同。如果第一次食嘅話我覺得都可以接受，但係可能自己本身已經食過好多次啦。我個人唔係咁鍾意加青椒。。。招牌青口：呢個係1kg份量，青口比較細隻燒牛扒：四個好朋友大家都認同呢個菜式好食，大家都好滿意。個牛扒燒到啱啱好，肉質好鬆軟，有牛味，最重要係肥瘦適中。最意料唔到係個拌菜，你睇落去都係一棵生菜啫，冇乜嘢汁，但係出奇地爽脆好好食。如果要嫌棄嘅話應該係個薯條，唔夠脆口因為今晚係女主角生日，我哋分別叫咗兩個甜品。甜品賣相係咪好靚呢？味道絕對係相等
好朋友生日，選址呢間餐廳主要因為靚，要食裝修環境feel嘛。呢間位置都幾方便 啱啱就係上環某一個地鐵站出口對面，所以對於冇乜方向感嘅人，都唔會做到迷路小羔羊。
好正呀好鍾意呢啲英式feel，真係好想有個靚仔鬼佬坐係我隔離同我摸下酒杯底。
餐廳地方好大，每個角落都有唔同嘅味道。每個座位都好寬闊，好適合一大班朋友過嚟傾偈聚會。
穿過呢條走廊就係餐廳嘅另一邊
呢間餐廳每一日都有唔同嘅promotion
除咗好多酒精飲品之外，甜品都係一個唔錯嘅選擇。淨係睇個Menu都覺得好吸引！
生牛肉他他：今次呢個加咗啲青椒口感同喺SOHO食嘅法國餐廳，及喺灣仔嘅西班牙餐廳都真係有啲唔同。如果第一次食嘅話我覺得都可以接受，但係可能自己本身已經食過好多次啦。我個人唔係咁鍾意加青椒。。。
招牌青口：呢個係1kg份量，青口比較細隻
燒牛扒：四個好朋友大家都認同呢個菜式好食，大家都好滿意。個牛扒燒到啱啱好，肉質好鬆軟，有牛味，最重要係肥瘦適中。
最意料唔到係個拌菜，你睇落去都係一棵生菜啫，冇乜嘢汁，但係出奇地爽脆好好食。如果要嫌棄嘅話應該係個薯條，唔夠脆口
因為今晚係女主角生日，我哋分別叫咗兩個甜品。
甜品賣相係咪好靚呢？味道絕對係相等，特別係個窩夫，真係生色不少。女主角攞住個窩夫自拍咗好多張相，就算食緊都唔放過。。。
雖然睇落呢一餐唔係好多嘢食，但係當我地叫埋嘢飲之外其實都真係好飽！呢度個環境氣氛都真係好好，我哋決定咗七月再過嚟食飯㗎🥂
張貼
