92
11
6
港鐵上環站 A2 出口, 步行約4分鐘 繼續閱讀
所有分店 (4)
電話號碼
22176671
92821369
營業時間
今日營業
11:45 - 00:00
星期一至日
11:45 - 00:00
付款方式
Visa Master AE 現金 銀聯 JCB
座位數目
160
其他資料
網上訂座
電話訂座
賞訂座積分
球賽直播
有關獎賞計劃
食評 (119)
等級4 2018-06-29
818 瀏覽
位於中環的FRITES Belgium on Tap,是一間超具外國風情的西餐廳。餐廳主打比利時菜,曾經跟媽媽光顧過一次,覺得猶如回到外國旅遊時光,所以很喜歡這間滿有西方客人光顧的餐廳。Frites$60餐廳提供大量啤酒,更提供世界盃直播,阻酒小食,非薯條莫屬。一大盆香噴噴的薯條, 份量超多,外層炸至金黃,但保留軟腍質感,沾上蛋黃醬,吃個不停。750g Roasted Pork Knuckle $255港幤二百五十塊,就有一份七百五十克的豬手,超掋食哦。豬手真的超級大份,二人分享,非常滿足。服務員已預先把豬皮豬肉豬骨切開,很貼心,豬皮烤至乾脆,豬手肉肉質結實軟腍,富有嚼勁,果然不錯。Mushroom Risotto $175這裡的菜式,份量頗大,可供二人享用。意大飯偏向半濕質感,有點像由生米熟成熟飯的囗感,濕度頗高,飯粒充滿汁水脹卜卜,蘑菇鮮香獨特,拌勻巴馬臣芝士,會變得更稠黏。 繼續閱讀
(以上食評乃用戶個人意見 , 並不代表OpenRice之觀點。)
自己生日自己揀 焦點食評
等級4 2018-06-25
758 瀏覽
我生日想食乜?每年都會諗到頭都爆,自助餐日韓燒海鮮無乜興趣喎,生牛肉係我近期大愛,千挑萬選搵到呢間比利時菜,見牛扒、青口相都好吸引,環境又好似幾ok,所以去見識下比利時菜食乜嘢。去到現場真係有d嚇親,我完全唔知係一間bar,超級嘈,只怪自己無爬文!既然已經到咗,就俾個機會一試啦⋯⋯不過想一提,想浪漫、想一班人傾計,呢個地方完全唔適合。兩個人叫咗兩個主菜、一個小食、一個甜品同兩杯飲品,飽到上心口,但真心覺得好食!Coco Colada Mocktail $55Frites Sunrise $55因為我同阿sir都唔太好酒精飲品,所以叫咗杯菠蘿加椰奶油無酒精雞尾酒同OJ加石榴嘅無酒精雞尾酒,前者比較香濃特別,後者OJ味比較重Frites House Mussels 1/2kg $245呢個口味比較多人叫,奶油味比較重,但又唔會令人覺得膩,青口味濃,大小參差但飽滿,毎粒青口都帶有奶油香,兩至三人叫呢個份量剛好;另外粗薯條都好正,外脆內軟有咬口,點附上嘅酸忌廉醬一流呀Beef Tartare $185牛肉他他係我最想試嘅,但我覺得調味過濃,蓋過咗牛本身羶味,配法包食還okSteak & Frites $395呢個扒叫咗medium,熟度上到枱啱啱好,肉嫩多汁,炭燒味又濃,我嫌塊扒太細唔夠喉,係我近期食過最有質素嘅牛扒Chico Fondant $90因為我生日,所以阿sir準備咗個心太軟比我,朱古力味香濃,超流心,而雲尼拿雪糕則一般,但混埋蛋糕食係絕配二人共消費:$1128 繼續閱讀
(以上食評乃用戶個人意見 , 並不代表OpenRice之觀點。)
等級4 2018-05-27
1600 瀏覽
朋友介紹呢間喺中環嘅啤酒館, 話佢地整嘅青口真係好正,所以趁住假日前夕帶我黎嘆下 六點幾黎度都已經幾多人下,以外藉人士居多,呢度仲設有露台位,摸摸酒杯底,望望中環街景,氣氛唔錯 餐墊就係Menu,呢度嘅侍應都係外藉人士,全英文對答,點餐嘅事就交比朋友搞掂 。 呢度嘅撚手小菜 - 青口有成六款口味, 除左招牌忌廉口味,仲有喇沙Laksa、 地中海Mediterranean、白酒Mariniere、 Hoegaarden同埋蕃茄口味Provencale, 另外可以揀半公斤或者一公斤青口份量 雖則呢度係啤酒屋,不過唔飲酒嘅呢度都有好多mocktail選擇。好似我地咁就叫左清新開胃嘅Cardinal Punch同 Monk-ie Business,份量都算大杯。 頭盤先來一客Classic Caesar Salad, 爽脆新鮮嘅羅文生菜,配合充滿奶香嘅醬汁,仲有大量巴馬臣芝士,味道唔錯 今次點左Frites House Mussels, 係呢度嘅招牌忌廉青口,1/2KG份量兩個人岩岩好!! 青口索滿湯汁,非常之鮮味啊,確實是這裡必點的菜式 每份青口均附送薯條及自家製法包, 麵包外脆內柔軟煙韌,真係幾好食 青口湯底用左蕃茄、白酒同忌廉, 個人認為用黎蘸麵包食都好正,友人仲當湯咁飲左成碗添 Norwegian Salmon Fillet 呢度嘅主菜都份量十足,相信是要迎合外國人的胃口吧。就好似呢條三文魚相當厚身而又嫩滑非常,底下 的魚皮和配菜薯仔粒也很香口脆卜卜 Rosemary Roast Chicken 單看賣相已經值得給很高分。跟友人分別吃掉半邊烤雞,雞皮金黃酥脆,雞肉嫩滑多汁,帶淡淡迷迭香的香氣,好滿足的一頓飯 繼續閱讀
(以上食評乃用戶個人意見 , 並不代表OpenRice之觀點。)
等級4 2018-05-23
1076 瀏覽
以前去比利時旅行都特別鍾意食佢哋嘅薯條佢哋會叫做frites而呢間餐廳就用呢個菜來名名所以一聽就知道呢間係比利時菜!入邊嘅裝修都好有歐洲文化好適合放工之後同三五知己或者另外一半坐低飲杯嘢食小食傾吓計裝修風格都非常特別食飯嘅時候同時欣賞環境都別具風味其實呢間餐廳我都聽過幾次朋友喺附近返工都話呢間餐廳好味尤其是係佢哋嘅青口所以我都唔會放過呢個機會叫啦我叫呢個就係半kilo佢本身就會跟埋新鮮嘅炸薯條同埋沙律醬啲青口非常鮮嫩完全冇沙入邊嘅忌廉汁非常香濃而且仲有啲切碎左嘅蕃茄出奇地佢嘅忌廉汁嘅味道仲可以保存但係就加上左番茄嘅鮮甜真係非常impressive!同埋佢會跟埋塊麵包俾你一齊食將塊面包點啲湯汁更加美味跟住就叫咗個三文魚他他食落去嘅味道有啲泰式風味入邊會有洋蔥粒三文魚再加啲青檸嘅味道一個非常開胃嘅前菜鍾意食三文魚嘅一定要試試除咗青口之外仲有主菜我哋就叫咗個14安士牛扒個份量都幾大碟上邊會有香草牛油個牛扒肉質鮮嫩而且佢嘅煮法非常香燒烤味而啲肉汁仲可以鎖住喺塊牛扒入邊仲有脂肪同埋紅肉嘅分布比例勻稱食落去入口有啲好似溶化嘅感覺我朋友都話係佢食過最好食嘅牛扒我哋叫咗medium rare覺得啱啱好同埋佢都係會配埋沙律同埋薯條話晒薯條係最出名嘅當然唔會令我失望啦食落去條條都好香脆仲要係熱辣辣嘅最後見到其實佢有好多唔同嘅啤酒可以挑應該係我見過最多啤酒嘅餐廳不過我哋要揸車唔可以飲酒所以就叫咗兩杯mocktail右邊個杯就係椰子加菠蘿汁我覺得味道幾特別飲落去有奶味之餘又帶點清新!以前未飲過呢個味道整體來講呢一餐我非常滿意一定要食佢嘅牛扒同埋青口!俾我係歐洲食嘅仲要好食係正宗嘅比利時味道 繼續閱讀
(以上食評乃用戶個人意見 , 並不代表OpenRice之觀點。)
等級4 2018-05-09
1417 瀏覽
<FRITES>是優雅的比利時餐廳,暈黃色的氛圍,配搭歐陸風的裝潢,情調浪漫。客人可坐在露台雅座,獨享開揚景觀,和私隱度高的用餐環境。摸著酒杯底,看看夜色,感覺十分Chill! Coco Colada $55Colada混合了菠蘿汁及椰子泡沫,椰香濃郁,入口蜜甜、綿滑,啖啖洋溢夏日熱情。FRITES House Mussels (1/2 kg) $245青口鍋有多款烹調煮法,我點了招牌的FRITES House Mussels。青口是每天新鮮空運到港,味道是非一般的吸引。青口浸泡在濃稠的忌廉汁內,肉質彈牙、挺身,連同滑滑忌廉呷入口,箇中的鮮甜在口腔迴盪著! 湯中的配料如洋蔥、紅椒粒和西芹,都令湯頭更香郁。把肥厚的手切薯條和麵包,吸嗦了湯頭,咀嚼時鮮味在口中“咇”出,味道令人難以忘懷! Rich Man's Burger $185Burger口感十分豐盛,法式牛油麵包夾著香脆煙肉、和牛肉扒、煎蛋及洋蔥蕃茄等。大啖咬下去,品嚐到多重層次感,和牛肉扒軟稔、肉汁豐沛,加上半溶的車芝士,是無比的邪惡! 手切薯條熱辣又脆卜卜,沾上sour cream,愈吃愈過癮。Seafood Linguine $245海鮮扁意粉有虎蝦、大蝦及青口伴碟,鮮味十足。蝦肉結實,青口則延續了青口鍋的滋味,每口扁意粉都伴隨啖啖鮮香,配上白酒忌廉汁,入口奶滑而吸引。Belgium Waffles $80窩夫口感偏脆身,能品嚐到淡淡肉桂粉的點綴,在每格窩夫塗上奶油和朱古力醬,味道令人迷醉。Hot Chocolate Fondant $90緩緩切開心太軟,岩溶朱古力醬傾瀉出來,感覺濃情蜜意,雲呢嗱雪糕混合木糠粉,更加香滑細緻。香烤的朱古力蛋糕,同時沾上熱燙流心及冰涷雪糕,是雙重的味覺享受。總括而言,<FRITES>的食物水準不俗,份量很多,令我們度過愜意又滿足的晚上。 繼續閱讀
(以上食評乃用戶個人意見 , 並不代表OpenRice之觀點。)