花見月 (已結業)

平時10年都唔入一次科學園，今次難得同朋友過嚟一於搵吓有咩新餐廳食先😽😽 經過見到呢間門面好靚同埋個名好有詩意💗餐具靚真係令人食慾大開☺️☺️我哋叫咗個三文魚牛油果沙律，三文魚同埋牛油果好夾加埋佢嘅沙律醬好開胃🎶因為我哋三個都係女仔所以食嘅嘢比較健康，我哋仲叫咗個沖繩苦瓜海葡萄沙律😁係我第一次食海葡萄啊！好有海水嘅味道🙈係咪證明佢新鮮 哈哈洋風燒帆立貝，本身我以為佢係燒熟晒嘅，結果原來係半生半熟😸唔好以為唔好食，其實佢咁樣口感反而仲特別😋 我仲加埋海葡萄同佢一齊食，海鮮加海水味，其實係別有一番滋味😆牛油蘆筍炒野菌，蘆筍係好健康嘅食物💗加上佢呢度嘅蘆筍好鮮嫩，完全唔會有渣嘅問題😁😁柚子炸雞，早排好興飲韓國嘅柚子蜜，原來可以用黎配炸雞食！😄味道仲好夾添😋最後因為驚唔夠飽仲叫咗個海鮮天婦羅定食，佢嘅天婦羅炸粉好薄，唔會食到成口都係粉☺️☺️ 我地三個人仲爭食隻炸蝦，哈哈呢度環境好靚坐得好舒服，同埋出面個景都唔錯架，我哋叫咗兩支啤酒一齊飲，因為佢呢度嘅係手工啤酒所以我哋要試吓😁我哋試呢兩款有果香味同埋比較淡，都適合女仔飲😉😉