花膠雞湯打邊爐真係好正!!!!!好正好正!
最重要既係唔貴呀
早幾日入屯門探朋友，屯門帶路下去左火水爐花膠館打邊爐。就位於屯門時代廣場北翼地下，屯市巴士總站不遠位置，非常易搵，即使我住九龍，食完搵車設屋企都好方便
裝潢真係好有型，時光倒流30年吧
返左去70，80年代的香港!
地下的磁磚，餐桌，牆上的裝潢都非常用心，完全係想製造出那些年的香港舊情懷
餐具都好復古，諗起以前細個屋企開飯的情形
汽水任飲
任飲的飲料不包括酒類，但散點也不貴
這裡都是點SET的，120分鐘任飲任食
下單後店員會先送上小食，湯底和海鮮拼盤，
在等湯底滾時可以食食炸魚旦和燒賣頂頂肚
很細心的安排
我們點的是花膠雞煲!花膠超大片呀!而且仲好厚!
雞湯非常濃郁，不禁飲了好幾碗
要一提的是這裡的
店員都非常好服務!而且很用心的為我們介紹食法和換碟，
雞煲入面足足有一整隻鮮雞
味道唔會似湯渣雞，口感十足十是白切雞!
雞味濃皮又唔厚，雞是稍為醃過的，食起來有少少咸味更能帶出其鮮味!
附送海鮮拼盤，入面包括了花甲、大大只的生蝦、蠔、蜆同鯇魚腩，
大蝦足足一只手板般大
而且好新鮮彈牙
我們點的是$298任食套餐，和$258的分別在於牛這方面，我們這個SET是可以任食頂級牛小排，完全是回本之選
我下了幾回單，來的頂級牛小排質素依然高
肉的口感嫩滑，油脂分佈平均，有入口即溶之感
涮一下就可以食啦!本物個雞湯湯底已經好夠味，不用點醬食更能食到肉本身的味道
脆肉脆超鮮甜，必點
鮮鵝腸，豬紅和豬潤看到其色澤都知道好新鮮
鮮鵝腸爽口又無羶味
流心皮蛋
蔬菜也好新鮮，洗得夠乾淨
魚皮是必點的，非常新鮮又香口，可以不點湯當薯片食
最後店員送上什果涼粉甜品，入面材料好足
有什果和涼粉外仲有大大粒的紅豆和花奶，就是我們70,80後的童年回憶呀!
為這餐畫上完美的句號
