阿來客棧雞煲火鍋 (已結業)

入秋啦，梗係要食吓雞煲火鍋暖一暖個身啦，辛苦咗一日打邊爐慰勞下自己就最好啦。花膠瑤柱雞湯 （$198） 真係超級推呢個雞湯，好鮮甜，而且花膠好多。一開始食少少雞再飲啖湯，真係好正。我哋兩個人叫咗少少海鮮，包括：廣島蠔 （$68）、桂花蚌 （$68）同鮮花枝片（$68），全部都好新鮮，尤其係桂花蚌真係要叫，豉油都唔使落，你就會食到佢嘅鮮甜味，而且好爽口。除咗海鮮，仲叫咗特級雪花牛肉粒 （$78），油麥菜 （$25）同埋韭菜餃（$42），餃子真係皮薄餡靚，啖啖都係韭菜餡。餐廳本身已經有熱茶提供俾我哋飲，但係打得邊爐，梗係要叫杯凍檸樂（$20）啦！