吞POT 雞煲火鍋.住家菜 (已結業)

最近天氣凍咗咁多最啱就係打邊爐唔想咁悶想有返啲新意就可以試吓呢一間吞pot佢係雞煲加打邊爐 想知道一下就可以揀呢一個花膠螺片雞煲 四個人叫半隻雞都已經好夠 飲一啖個湯真係好足料 我哋每個人都飲完又飲食到啲雞咁上下就可以叫人幫手加啲湯變成打邊爐我哋叫咗一碟手切肥牛 蔬菜拼盤 竹笙 芝士牛丸最值得一試嘅一定係芝士響鈴響鈴新鮮炸起送到上嚟仲係熱辣辣入面包左一塊芝士 浸落去啲湯度唔單止吸收晒個湯嘅精華 仲食到濃濃嘅芝士味呢度嘅蔬菜拼盤好大份入面有好多唔同嘅蔬菜 仲有好多唔同嘅菇肥牛唔會切到好薄 估唔到嗌咗最平嘅牛肉但係牛肉質素都唔錯牛肉味好重好好食芝士牛丸係手打嘅 食呢個嘅時候真係要小心啲唔好咬得太大啖 唔係就會俾啲芝士辣到個咀