小洪坊小炒火鍋海鮮飯店 (已結業)

朋友搬咗去洪水橋，今晚入去探佢順便一齊食晚飯，佢屋企附近新開咗間中菜館，門口有好大隻蟹，好吸晴！餐廳地方寬敞，佔地面積廣，設室外位置，秋冬涼涼地坐戶外別有一番風味，更設VIP房，人多可以BOOK間房，舒舒服服食飯之餘仲可以唱K、打麻雀。而且仲有免費泊車，岩哂揸車人士～餐前小食有兩款: 泰式鳳爪、椒鹽花生，大推椒鹽花生，濃濃椒香味，帶點辣勁又香脆，佐酒一流！Shake Shake 豬手仔豬手皮脆肉嫩，即叫即炸，熱辣辣上枱香噴噴！附有紙袋、炸蒜、辣椒粉等，等客人可以自製Shake Shake 豬手仔，夠哂創新！Shake完之後豬手沾滿香料，鹹香又惹味！椒鹽鮮魷我地加錢轉咗黃金製法，先將鮮魷炸一炸，再沾上鹹蛋黃醬，香脆可口夠哂邪惡！！鮮魷爽脆彈牙，外層咸香又夠脆，正啊！花甲花膠清遠雞煲原煲上可以保持熱度，味道仲好香濃添～花膠煮至軟滑好厚身，花甲新鮮清甜，大大隻好肥美！特別選用清遠雞件，啖啖肉，雞味濃郁，肉質仲好嫩滑添～大肚婆炒飯即係薑粒、叉燒粒、蝦粒、菜粒、蔥花炒飯，飯粒炒至粒粒分明，好有鑊氣！薑粒切得好幼細，蝦粒又夠彈牙，炒飯入口香氣飄逸，令人齒頰留香！小洪坊小炒火鍋海鮮飯店地址：元朗青山