投鮮食 (已結業)

做完gym 已飢腸轆轆，行到花園街附近見到有間新開既外賣小食店-空投，專門做外賣生意，咁岩我諗住拎番屋企食就幫襯下 因為減肥緣故，唔想食咁多碳水化合物，所以要左一個照燒雞扒凱撒沙律（$45），都幾大份，而且生菜新鮮，雞扒份量都足夠，呢個價錢即使係外賣都好抵食，平過Starbucks啦起碼 最驚喜一定係鰻魚小食，只係$30一份，仲有埋椰菜花同西蘭花添，夠哂健康。鰻魚厚實而且刺唔多，燒得有水準，下次經過一定再幫襯，買番去加餸都好呀！是日健康飲品賣哂，唯有要杯冇糖桃味梳打，超大杯仲要係跟下午餐送野飲！