鬼金棒

營業中

休息中

今次介紹呢間拉麵店 bookmark左好耐見好多其他foodie朋友都已經食過🤪亦都有唔少好評 經過見冇乜人排隊就去試吓~~🍜芫荽辣麻味增拉麵 $110小弟係為咗呢個芫荽拉麵而來😛 芫荽鋪滿晒成碗麵 食落啖啖都係芫荽😍湯底可以選擇自己喜歡嘅辣度同埋麻度🌶 我驚太辣所以兩款都揀咗小🤭 食落其實唔算話好辣 可以試辣啲湯底味道幾濃郁 味噌味重 飲完都唔太口渴麵條係偏粗身啲 呢個麵質非常好食🤤 彈牙好有咬口👍🏻叉燒係五花腩 超級厚身 肥瘦均勻 入口好鬆化☺️另外配料仲有啲芽菜同埋粟米芯 芽菜新鮮爽脆~~總結1）價錢偏貴嘅拉麵 但味道都出色 可以一試