影片
更多
2022-01-23
542 瀏覽
之前喺網上面睇到好多人推薦呢間嘅芝麻糊，於是我特登嚟到土瓜灣食。呢一區都係一啲舊店小店，所以一早預咗係一間傳統嘅糖水店，入到舖頭我坐最入個張枱後面就係雪櫃，我當時戴住口罩（KF94)已經聞到一陣味，當一除口罩聞到好臭，好似啲尿味咁，然後望上牆見到有啲貓嘅照片，我相信應該係貓嘅尿味，當下我都決定忍一忍，諗住都係食一碗糖水啫⋯⋯鮮奶燉雞蛋（凍） - 呢個燉蛋嘅質地算滑，因為我哋叫凍嘅佢都唔實，所以質地尚算OK，不過就偏甜，同埋成碗燉蛋嘅感覺好有家庭feel。香滑芝麻糊（熱） - 我真係抱住好大期望嚟食呢碗芝麻糊，首先香滑芝麻糊一啲都唔滑，幫我一樣嘢好就肯定係手工做，因為佢磨嘅芝麻唔夠細緻，粗幼不一樣，當食呢碗芝麻糊嘅時候你會食到一粒粒嘅芝麻。第一眼見到呢碗芝麻糊嘅時候好特別，因為唔係黑色係灰色，第一啖食落口覺得好甜，其實有啲似芝麻湯圓裏面嘅餡，但係佢就冇咗糯米皮去平衡返，所以食第二啖已經有啲吃力，因為真係好甜。不過食第二啖嘅時候發現點解有西米？原來嗰啲唔係西米，應該係佢用唔知糯米粉定係什麼馬蹄粉之類嘅嘢，煮得唔均勻形成一粒粒，口感上所以就好差。我開頭以為佢係傳統嘅糖水舖頭，咁煮芝麻糊唔係應
鮮奶燉雞蛋（凍） - 呢個燉蛋嘅質地算滑，因為我哋叫凍嘅佢都唔實，所以質地尚算OK，不過就偏甜，同埋成碗燉蛋嘅感覺好有家庭feel。
香滑芝麻糊（熱） - 我真係抱住好大期望嚟食呢碗芝麻糊，首先香滑芝麻糊一啲都唔滑，幫我一樣嘢好就肯定係手工做，因為佢磨嘅芝麻唔夠細緻，粗幼不一樣，當食呢碗芝麻糊嘅時候你會食到一粒粒嘅芝麻。第一眼見到呢碗芝麻糊嘅時候好特別，因為唔係黑色係灰色，第一啖食落口覺得好甜，其實有啲似芝麻湯圓裏面嘅餡，但係佢就冇咗糯米皮去平衡返，所以食第二啖已經有啲吃力，因為真係好甜。不過食第二啖嘅時候發現點解有西米？原來嗰啲唔係西米，應該係佢用唔知糯米粉定係什麼馬蹄粉之類嘅嘢，煮得唔均勻形成一粒粒，口感上所以就好差。我開頭以為佢係傳統嘅糖水舖頭，咁煮芝麻糊唔係應該用白米煮嘅咩？！食到嗰啲一粒粒就肯定知道佢唔係，其實我都唔想彈，但係真係讚唔落，SORRY !
我相信佢有其他嘢會好食，因為門口有好多人幫佢買嗰啲一串串嘅魚蛋魷魚螺肉之類，但係我就冇心情食，或者下次⋯⋯下次⋯⋯再下次先啦。
張貼
