源祖之味古早味蛋糕店 (已結業)

尋日去開旺角行街，經過呢間古早味蛋糕店。佢同平時好多古早味蛋糕店嘅裝修有啲唔同，呢間嘅舖位大啲同埋裝修得靚啲。見到佢有伯爵茶味嘅古早味蛋糕，覺得好吸引，就覺得買返兩盒蛋糕返屋企同屋企人食。🫖皇家伯爵 $85蛋糕上面印上一個好可愛嘅源祖之味logo。就算只係食細細啖都已經感覺到濃濃嘅伯爵茶味，蛋糕入面亦都見到好多一點點嘅伯爵茶葉碎。蛋糕鬆軟濕潤得黎又有少少彈性，茶味香濃，甜度適中，好食。🧀芝士愛肉鬆 $85蛋糕入面有芝士夾心，表面鋪滿肉鬆。表面嘅肉鬆脆脆地甜甜地，幾好食。蛋糕嘅芝士味鹹香十足，冇芝士嘅部分則充滿蛋香。呢個蛋糕嘅口感比伯爵茶味更濕潤更有彈性。我同屋企人忍唔住一次過就食曬呢個。呢個真係可以encore！🍑白桃烏龍茶 原價$25買左蛋糕之後加配呢個只需$18，因為抵，所以我都加左一支。烏龍茶味濃，伴有淡淡嘅白桃香氣，配蛋糕食真係夾。呢排就快農曆新年，買兩盒蛋糕就送一包利是封。阿媽收到利是封好開心，話可以買少幾個利是封。