影片
更多
2019-04-14
16 瀏覽
最近天氣真係好反覆，一時熱又一時凍，趁今日陰天涼涼地，我同男朋友就走咗去將軍澳食好西🙆♀️.位於將軍澳帝景灣商場嘅「湯。米」係台式窩物專門店，主力售賣台式一人一鍋🔥一人一鍋呢種食法真係好正❗️唔使同人爭之餘，點唔同口味嘅湯底仲可以大家互相share添😎.室內裝修以簡約為主，格調清新。.餐牌款式簡而精，圖文並茂，並且詳細咁列出窩內嘅配料👍除咗傳統嘅9款窩物，仲有一款新推出-酸菜魚窩，價錢都係$91-$98不等。每款窩物都免費跟飯/粉絲一份，加$12仲可以升級為滷肉飯添💕辣度方面就可以揀由唔辣到極辣六種辣度😈.揀完湯底之後，店員就會遞上醬料架，分別係蒜蓉汁，沙茶醬，豆瓣醬同醬油，等我哋自行調配最適合自己嘅醬汁🥰.韓國泡菜鍋。中辣 （$96）泡菜鍋入面嘅材料極之豐富，啱晒我呢啲樣樣都想食嘅花心鬼🙈✨豚肉薄切豚肉嘅數量約有4-5塊，入口肉腍鬆軟，肉味重又不帶豬臊，而且更能掛到湯汁❗️最重要嘅係肥瘦比例係9比1，啱晒我呢啲唔鍾意食肥豬肉嘅人😍✨王餃子超級大隻嘅白菜豬肉王餃子🥟皮薄餡多，正❗️✨韓國年糕好鍾意食韓國年糕，咬落唔會癡牙，煙煙韌韌，口感極好🙆♀️✨韓國泡菜大量嘅韓國泡菜，酸酸辣辣，更開胃☺️鍋
最近天氣真係好反覆，一時熱又一時凍，趁今日陰天涼涼地，我同男朋友就走咗去將軍澳食好西🙆♀️
.
位於將軍澳帝景灣商場嘅「湯。米」係台式窩物專門店，主力售賣台式一人一鍋🔥一人一鍋呢種食法真係好正❗️唔使同人爭之餘，點唔同口味嘅湯底仲可以大家互相share添😎
.
室內裝修以簡約為主，格調清新。
.
餐牌款式簡而精，圖文並茂，並且詳細咁列出窩內嘅配料👍除咗傳統嘅9款窩物，仲有一款新推出-酸菜魚窩，價錢都係$91-$98不等。每款窩物都免費跟飯/粉絲一份，加$12仲可以升級為滷肉飯添💕辣度方面就可以揀由唔辣到極辣六種辣度😈
.
揀完湯底之後，店員就會遞上醬料架，分別係蒜蓉汁，沙茶醬，豆瓣醬同醬油，等我哋自行調配最適合自己嘅醬汁🥰
.
韓國泡菜鍋。中辣 （$96）
泡菜鍋入面嘅材料極之豐富，啱晒我呢啲樣樣都想食嘅花心鬼🙈
✨豚肉
薄切豚肉嘅數量約有4-5塊，入口肉腍鬆軟，肉味重又不帶豬臊，而且更能掛到湯汁❗️最重要嘅係肥瘦比例係9比1，啱晒我呢啲唔鍾意食肥豬肉嘅人😍
✨王餃子
超級大隻嘅白菜豬肉王餃子🥟皮薄餡多，正❗️
✨韓國年糕
好鍾意食韓國年糕，咬落唔會癡牙，煙煙韌韌，口感極好🙆♀️
✨韓國泡菜
大量嘅韓國泡菜，酸酸辣辣，更開胃☺️
鍋入面仲有好多其他配料，如蜆肉，娃娃菜，冬菇，金菇，嫩豆腐，粟米，炸枝竹，鵪鶉蛋等等。 湯面唔會有好多油，所以食完都唔會有油膩感🙆♀️加埋附送嘅粉絲，掛湯一流，好juicy😋
.
巴蜀烤魚鍋。小辣 （$98）
如手掌般咁大嘅鯇魚，輕輕煎烤過再放入鍋裡，入口實肉又嫩滑，沾一沾巴蜀湯汁，又香又辣，好惹味😋至於其他配料同韓國泡菜鍋差唔多～如果將巴蜀烤魚鍋同韓國泡菜鍋互相比較，前者香辣惹味，後者酸辣開胃😘
✨提提大家，粉絲/白飯原來都可以轉公仔麵㗎🙆♀️
.
麻辣臭豆腐 （$42）
第一次食台式臭豆腐🙈入口嫩滑但比普通豆腐結實，配上辣粉同底部嘅醬汁一齊食，好滋味！～
.
芝士金鳳茶王 （$32）
估唔到呢間都有呢排好Hit嘅芝士奶蓋茶🥰奶蓋豐厚，質感柔滑，芝味濃郁而奶味重，鹹甜得宜，而茶底嘅金鳳茶王，茶味濃郁，配搭台式一人一鍋，真係Perfect match呀😋
張貼
