海山板神

今次喺荃新天地二期 一門町市場入面試咗間日韓fusion小店 海山板神，走輕食堂風，環境乾淨企理。雖然叫「芝士瀑布」，但瀑布就唔算好澎湃……

🍛 芝士瀑布咖喱牛肉飯 $75（加芝士+10）
本身期望會見到邪惡芝士拉絲，但現場一睇，只係面頭薄薄一層，拉絲感唔多，芝士味都唔算突出，唔多覺加咗量。咖喱偏甜，牛肉口感算嫩滑，但整體就比較普通，冇乜驚喜。

🍜 韓式辣泡菜牛肉麵 $63
反而泡菜麵幾有驚喜！湯底辣中帶酸，泡菜味濃郁又唔會死辣，幾醒胃。牛肉片份量唔算多但尚算嫩滑，麵條彈牙唔腍，整體比咖喱飯更出色。鍾意食韓式嘢嘅朋友可以一試！