小火焰韓式咖啡廳 (觀點中心) (已結業)

APM既餐廳就食得多，見食到悶悶地，openrice見到小火焰就行過黎試下。其實環境唔錯。無諗過都幾多人。因為朋友同我都係芝士控，所以叫左個慢煮和牛面珠墩夾餅&麵包韓醬牛肋。 明明個名都冇芝士，關咩芝士事？其實因為餐廳嘅menu係圖文並茂嘅，所以我地就看圖叫餐啦！好多野食都好吸引！不過得兩個人，真係唔知點叫好！從來都未食過牛嘅面珠墩肉，今次真係第一次！能同我想像中唔多同！餐廳切得好薄，煮得好林，有啲似煮得好林既牛展咁，但就無個種膠質既感覺。個夾餅勁好食！入面有好rich既芝士！而且個皮都好香，用黎夾肉個感覺都幾特别！個汁有d似燒汁，甜甜地同個牛肉夾埋幾特别。麵包韓醬牛肋，打開左個包d醬同芝士既份量就一覽無遺！真係好多架！仲滲緊落個包到！用包點醬食固然正！用薄餅點醬食亦有另一黎風味！d醬有d似蕃茄醬，甜甜酸酸都好味。温度係room temperature, 本身以為會熱少少。芝士係溶係d醬中間，都幾夾。個牛本身應該已經煮冧左先拎黎同包一齊焗，都幾香滑！無錯！我係覺得個牛幾滑，我自己都無諗過牛可以用滑黎形容。而且個牛係無骨既，所以真係好正！最鍾意就係拉芝士既環節！雖然張相好似有d不雅不用係