前家樂餐廳火鍋店 (已結業)

話說自從上年係度食完一次麻辣雞煲之後，前家樂就成為我既新寵，間唔中都有去食下。其中有試過醉雞煲，好香藥材味同花雕味，湯底好足料！之前都有試芝士雞煲，唔差既，不過始終都係醉雞煲同麻辣雞煲正好多！食得多，老闆都認得我，佢有次問我芝士雞煲既意見，話係新產品，想睇下有咩改良，我好誠實答佢芝士份量可以多啲。隔左一排，我有fd話想考完dse去食佢既芝士雞煲，咁我地就去食。哈~我一去到，老闆話芝士雞煲改良左，一定好食過上次，仲話包我有驚喜。如圖所示，拉哂絲既芝士雞煲($158)，真係要介紹俾大家！(上次係無拉絲架><)我地食到無停手，每件雞都俾芝士包圍住，芝士味係香濃而唔膩，大家可以睇返我之前寫前家樂既post，要又一次讚揚佢既雞好有鮮味，好滑，所以芝士係唔會蓋過雞肉既味。唔中意食辣既朋友可以一試！講真，未改良之前既芝士雞煲，唔係差，但改良之後既芝士雞煲真係好正！啖啖香濃芝士味，以後我都唔知點揀，麻辣雞定芝士雞好(笑喊樣)一如既往，配料都係唔少得芝士竹輪，響鈴，肥牛，午餐肉，蟹棒，栗米~今次有三個人，所以我終於可以叫墨魚滑拼蝦滑試下！講真，$98其實份量好多，爽口有鮮味，唔錯！最後仲