成都老碼頭火鍋 (已結業)

每次經過旺角見到呢間舖頭嘅裝修就超想入去食，終於有機會試吓呢間麻辣火鍋。先講講佢嘅裝修，出邊嘅裝修好特別好有中式風格，入邊亦都金碧輝煌，細心到連筷子都有雕花，仲有圍裙同水果盆你攞。記住記住，係7:30前買單係有六八折， 9:30後入座都係有六八折！有勁多唔同嘅湯底睇到眼花撩亂，但係我哋揀咗鴛鴦湯底，麻辣配藥膳火鍋。先要讚一讚麻辣湯底真係又辣又香，藥膳火鍋味道都唔錯。Menu嘅價錢我覺得係中等價錢，但係食物有好多好多款選擇，個人特別推介海鮮類（試咗佢嘅貴妃蚌勁好味），鮮榨響鈴，同埋中國嘅特色打邊爐食物，例如鵝喉，萵筍，蛋餃，紅薯粉，寬粉等（因為唔係間間舖頭都有）。每樣食物都擺放得美輪美奐，真係好想試晒唔同款嘅特色食物，但係胃只有一個唯有下次再嚟試過。最後講講服務生態度10分良好，佢哋好細心提我地記得要喺7:30前買單就會有六八折。會不時幫我哋調教火鍋溫度。