象月-泰式休閒餐廳 (已結業)

疫情關係，晚市禁止堂食，相信唔少無飯家庭都成為左外賣兵團。今日OT完收工想食好d，但打開銀包，諗下只係到月中，仲有排捱....經過象月，見到門外黑板寫住特價餐，海鮮炒飯$58，之前堂食象月既食物質素都好好，所以二話不說就入去叫左外賣。炒飯份量非常多，材料豐富，好多蝦同海鮮，蝦肉同海鮮都非常爽口，炒飯香口而且有濃濃咖哩味，再配合埋肉鬆、腰果同提子乾，整體口感同味道都非常豐富，食後令人大滿足！良心食店，即使外賣，水準都過，值得推薦。