45
10
3
電話號碼
22858861
營業時間
今日營業
12:00 - 15:00
18:00 - 22:30
星期一
全日休息
星期二至日
12:00 - 15:00
18:00 - 22:30
*截單時間: 14:30/ 22:30
付款方式
現金
座位數目
38
其他資料
酒精飲品
自帶酒水
切餅費
電話訂座
外賣服務
加一服務費
食評 (63)
等級4 2020-10-23
460 瀏覽
剛剛踏入秋天,天氣開始乾爽,適蓬星期六遇上好天氣,當然要登山放電,吸下新鮮空氣。由粉嶺行去大埔,輕輕鬆鬆就行完,到達大埔已經過左lunch時間,本身諗住食間西餐,點知去到摸門釘…..唯有四圍行下睇下有無其他餐廳岩食,就係咁….見到呢間價錢唔貴既黃店泰式餐廳,既然咁有緣,當然要試一試。入座果陣已經2點,距離仲有半小時餐廳就要中場休息,雖然過左時職員唔會趕人走,不過自己唔好意思阻人休息,所以快快脆食完閃人。午市套餐選擇唔少,炒粉、湯粉、客飯都有供應,包埋前菜同餐飲都唔過$60,最吸引既係最平加$8就有一個小食,真係岩哂1個人黎食飯既朋友。選擇困難症既我,最終揀左泰式炒金邊粉 $58熱辣辣、香噴噴上枱,份量都幾多,爽口大蝦都有5-7隻,不過唔夠鑊氣。朋友就揀左泰式肉碎煎蛋飯 $58朋友最愛食燶邊流心煎蛋,呢個蛋岩哂佢胃口;肉碎份量驚人,應該係其他餐廳既1.5-2倍,不過同炒粉一樣,唔夠鑊氣;味道唔會太辣。前菜 – 木瓜沙律、冬蔭功木瓜沙律夠爽脆,而且酸酸辣辣,開胃一流。冬蔭功有別平常飲開果d,椰汁味偏重,口感厚身,朋友表示岩佢心水。小食 – 燒泰式豬頸肉$8、炸蝦餅$8、札肉米紙卷$8本人中意食厚切豬頸肉,因為可以食番佢爽脆口感,但呢度切得幾薄,口感偏淋,燒味唔夠,連個醬汁都好奇怪,竟然係甜,同豬頸肉一d都唔襯。炸蝦餅正正常常。札肉米紙卷色彩繽紛,蔬菜爽脆新鮮,沾埋個酸汁,一定係運動後健康首選。餐桌上有提供酒精搓手液,食前搓一搓,唔會心慌慌。另外,餐廳裝修得唔錯,有好多月亮,配合番店名。不過,餐廳喇叭好差,每首歌隔一句就疾一下,聽得好唔順.....😂但整體都值得推薦比想平平地食泰菜既朋友。 繼續閱讀
(以上食評乃用戶個人意見 , 並不代表OpenRice之觀點。)
等級2 2020-11-26
0 瀏覽
秋高氣爽最岩戶外活動🍂🍁🌾原本想係大尾督放風箏再係裡面食晚飯最後因為街邊太多人與車改左去大埔行街食飯~大家都好少入大埔係openrice睇左好耐🕵🏽‍♀️再加上朋友推介決定去食象月~去到嘅時候有好多人等緊位最後等左大約40分鐘就有位喇⏱店員好友善等位期間都主動update座位情況等我地有個預算而店內裝修簡潔掛滿唔同星球嘅燈做佈置🌎有別一般泰國菜館嘅裝修餐牌食物選擇非常多無辦法影晒成個menu最signature嘅泰菜佢地都有由於我地唔係太肚餓只係叫左4樣野~小食拼盤🍱有燒豬頸肉、炸魚餅、炸單骨雞翼、炸春卷我地四個人岩岩好每人一件~上碟嘅時候熱辣辣相信係岩岩炸起😍泰式傳統椰汁雞湯對上一次去泰國已經成年前當時飲左個椰汁雞湯念念不忘🥺黎到依度都有得飲非常似泰國嘅味道~~甜甜地唔辣唔想成日飲冬陰功湯依個都係唔錯嘅選擇👍🏼生蝦刺身🍤生蝦連同冰底上唔怕變壞點小小泰式海鮮醬加埋塊蒜同辣椒一齊食好夾好鮮味😋秘製青咖喱牛一睇黎到就知要送白飯~牛肉完全唔會韌咖喱甜甜地好開胃如果冇叫白飯亦可選擇薄餅或者蒜蓉包送咖喱😆 繼續閱讀
(以上食評乃用戶個人意見 , 並不代表OpenRice之觀點。)
等級3 2020-11-08
63 瀏覽
今日lunch兩個人去左試呢間泰菜,叫左兩個餐: 青咖哩豬頸肉飯,辣肉碎蛋飯,每個餐包餐飲(加$2就有青檸梳打),有前菜(可揀沙津或湯,我地要左沙津),仲可以用平嘅價錢加小食,我地加左$8要4件炸蝦餅上餐速度好快,會先上前菜,個沙津少少辣,酸味為主,好好味好開胃然後主菜同小食都好快到左先講我自己最愛嘅青咖哩,佢嘅味好好,係感覺多粉左少少,但咁嘅價錢,絶對抵食,食過好多青咖哩都係椰味勁重,或勁多粉,呢間我覺得啱啱好,如果可以少d粉就更加正 佢d豬頸肉其實比青咖哩蓋過左d味,唔知係冇烤過(可能就咁煎)?定係唔夠,總知冇乜香味,但整體真係好滿意,好好味辣肉碎蛋飯,肉碎好香,如果再多少少咸味會再正d蛋我冇試,本身唔太鍾意食生蛋黃青檸梳打冇影相,但佢都幾好飲,夠凍又唔會太多冰,好解渴炸蝦餅,原來佢講嘅四件係一開四,難怪咁平,餐+$8就有,炸蝦餅幾香幾好味呢間唔算貴又幾好味,今日兩點幾黎,所以唔洗排隊,可以好舒服咁慢慢食呢度d位係比較細,所以人多如果又拎住好多野,可能冇咁方便,但總體黎講,平民價錢,質素好好,抵食 繼續閱讀
(以上食評乃用戶個人意見 , 並不代表OpenRice之觀點。)
等級4 2020-10-26
87 瀏覽
象月泰式菠蘿炒飯咖哩炒金邊粉價錢💲: $58/ $58/ $+8x3好味程度😋: 3.7/5服務🍴: 3.5/5環境🗾: 3.7/5性價比🥢: 4.3/5回頭率😚: 3.6/5-泰國菜真係間唔中就會想食😚 今次搵到大埔的💛泰菜,lunch set幾抵食,質素都ok,仲可以用優惠價加勁多小食,好幸福😋 我地叫左3款小食,燒豬頸肉有5-6片,但每片都好薄,如果厚小小就會油脂感香啲,配埋個酸酸辣辣有魚露的汁好惹味。另一款係炸蝦餅,將一舊切成4份,熱辣辣又彈牙😌 仲叫左個泰式鳳爪,都有成4隻,不過就略嫌唔夠味,唔夠酸又唔夠辣🤫 但每種都係$8‼️-每個set包一碗冬蔭功湯,味道啱啱好,偏酸好啱我。都應該落左幾多椰奶,所以好滑,入面仲有好多菇!😛 第一個set我地叫左泰式菠蘿炒飯🍍呢款唔建議大家叫❗️佢炒得偏濕,得陣黃薑粉味,冇咩鑊氣😵 同埋入面得啲冇咩味的雞肉,冇咩餸😨 不過佢都有落提子乾,可以調下味。-另一個就叫左咖哩炒金邊粉。呢款好食啲!🤗 炒得好乾身,落左好多咖哩粉所以好香。可以想像下係星州炒米的味😹 不過金邊粉就有咬口小小。餸都係雞肉,唔同菜咁。同埋佢地全部都好大碟,仲包杯青檸梳打添🥳 我覺得$8小食真係好抵食又好食所以比佢吸引到。如果大家住個頭,一定要試下!😋 繼續閱讀
(以上食評乃用戶個人意見 , 並不代表OpenRice之觀點。)
等級2 2020-08-22
913 瀏覽
今日入大埔search泰國菜搵到呢間小店,估唔到咁好味叫左兩個lunch set,包前菜同飲品首先講下咖哩炒金邊粉,平時泰國餐廳炒金邊粉就見得多,咖哩炒比較少見,但呢間整得好有鑊氣,咖哩味好濃,而且唔會話炒到一舊舊好乾咁,入面加左豬肉,啲豬肉軟淋淋好入味之後亦叫左份青咖哩豬頸肉飯,第一次見青咖哩係咁git身,食落唔會太辣帶少少甜味,而豬頸肉就比較多肥膏,除左豬頸肉有其他唔同配料:四季豆、茄子、通菜等,比起炒金邊粉呢款就不過不失每份lunch set會跟一份前菜,可以揀冬陰公湯或者秘製青木瓜沙律,碗冬陰公湯十分有驚喜,味道超濃都唔會好辣,而且配料都好多,飲得出係真材實料煲出嚟至於沙律味道酸酸甜甜好開胃總括來說,呢間小店都幾高質,推薦大家試下 繼續閱讀
(以上食評乃用戶個人意見 , 並不代表OpenRice之觀點。)